काठमाडाैं- जापानले म्यानमारलाई दिँदै आएकाे आर्थिक सहायता स्थगित गर्ने भएकाे छ। प्रजातान्त्रिक प्रक्रिया अवरुद्ध गरेर सेनाले सत्ताविद्रोह गरेको भन्दै जापानले आर्थिक सहायता स्थगित गर्ने घाेषणा गरेकाे हाे।
म्यानमारका लागि जापान सबैभन्दा ठूलो दातृ मुलुक हो। जापानका विदेश मन्त्री तोसिमिचु मोटेगीले आर्थिक सहायता रोकेर म्यानमारलाई प्रस्ट सन्देश दिन खोजेको बताएका छन्। तर, सेना र प्रहरीका कमान्डरहरुलाई अन्य देशले प्रतिबन्ध गरे पनि जापान त्यस्तो प्रतिबन्ध भने नलगाएको उनले जानकारी दिएका छन्।
‘म्यानमारका निम्ति सबैभन्दा बढी आर्थिक सहायता उपलब्ध गराउने जापान प्रमुख राष्ट्र हो। अब नयाँ सहायता म्यानमारलाई दिइने छैन। हामीले प्रस्ट अडान राखेका छौं,’ विदेशमन्त्री मोटेगीले भने।
संयुक्तराज्य अमेरिका, बेलायत र युरोपेली युनियनले सत्ताविद्रोहमा संलग्न प्रहरी र सेनाका वरिष्ट कमान्डरका साथै सेनाको नियन्त्रणमा रहेका व्यापारिक एवं व्यवसायिक कम्पनीमाथि विभिन्न किसिमका प्रतिबन्धहरु घोषणा गरिसकेका छन्।
यद्यपी हाल सञ्चालनमा रहेका आयोजनामा हुने लगानी भने यथावत् रहनेछ। म्यानमारमा केही हजार जापानी नागरिक र सयौं जापानी कम्पनीहरु रहेको विश्वास गरिन्छ। म्यानमारमा हाल विदेशी लगानीका दृष्टिबाट जापान पाँचौं ठूलो लगानीकर्ता मुलुक हो।
म्यानमारमा फ्रेबुअरी १ देखि जारी आन्दाेलनमा ५१२ भन्दा बढी व्यक्तिकाे हत्या भइसकेकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
