काठमाडाैं- बंगलादेश सरकारले बेलायतलगायत युरोपेली देशबाट आएका यात्रीहरूलाई दुई हप्ता अनिवार्य क्वारेन्टिनमा राख्न निर्देशन दिएकाे छ।
बंगलादेशको नागरिक उड्ययन प्राधिकरण (सीएएबी)ले कोरोना महामारीको दोस्रो लहरलाई नियन्त्रण गर्ने सरकारी नीति अन्तर्गत मंगलबार विदेशी यात्रुलाई अनिवार्य क्वारेन्टिनको व्यवस्था गरेको हो।
‘अर्को सूचना नभएसम्म यही बुधबारदेखि विदेशी यात्रु सरकारी सुविधा वा सरकारले तोकेको होटेलमा स्वयमले खर्च व्यहोर्ने गरी क्वारेन्टिनमा बस्नुपर्ने छ,’ सूचनामा भनिएको छ।
बंगलादेशमा सोमबार ५ हजार ४२ व्यक्तिमा कोरोना संक्रमण पुष्टि भएको छ।
योसँगै कोरोना संक्रमितको संख्या ६ लाख ५ हजार ९३७ पुगेको छ। ६ हजार ९९४ संक्रमितको मृत्यु भइसकेको छ । मंगलबार मात्रै ४५ जनाको मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
