राजनीति

सर्वोच्चमा निवेदन दर्तापछि प्रचण्डले भने- पुनरावलोकन हुने विश्वास छ

नेपाल लाइभ मंगलबार, चैत १७, २०७७ १२:४३

काठमाडौं- नेकपा (माओवादी) केन्द्रका अध्यक्ष पुष्पकमल दाहाल 'प्रचण्ड'ले नेकपा नाम सम्बन्धमा परेको मुद्दामाथि सर्वोच्च अदालतबाट फागुन २३ गते भएको फैसला पुनरावेदनका लागि सर्वोच्च अदालतमा निवेदन गर्दा गराएका छन्। त्यसका लागि उनी मंगलबार आफ्नो पार्टीका शीर्ष नेताहरू र वरिष्ठ अधिवक्ताहरुका साथमा सर्वोच्च पुगेका थिए।

निवेदन दर्तापछि उनले विगतमा पनि कतिपय फैसला पुनरावलोकनको प्रश्न उठ्यो भने पुनरावलोकन गर्ने गरेको बताए। 'हामीलाई विश्वास छ, देशको राजनीतिक स्थायित्वका निम्ति, शान्ति र समृद्धिको नयाँ अभियानमा नेपाल जाँदैछ। यस्तो बेलामा एकताबद्ध भइसकेका दललाई विभाजित गर्नेजस्तो राजनीतिक काम अदालतले गरेकाले त्यसलाई सच्याउने छ भन्ने हामीलाई विश्वास छ', प्रचण्डले भने।

नाम सम्बन्धमा रिट निवेदकको निवेदनभन्दा बाहिर गएर गरेको निर्णय सर्वोच्च अदालतले पुनरावलोकन गर्ने विश्वास प्रचण्डको थियो।

यो पनि पढ्नुहोस्

नेकपा नामसम्बन्धी प्रचण्डको पुनरावेदन निवेदन सर्वोच्चमा दर्ता [निवेदनसहित]मंगलबार, चैत १७, २०७७

फागुन ११ मा गरिएको फैसलाले प्रतिनिधि सभा ब्युँतिएकोका देशले नै स्वागत गरेको उनले बताए। तर, फागुन २३ गते नेकपाको नाम सम्बन्धमा भएको फैसला भने आफूहरुलाई स्वभाविक नलागेको उनले टिप्पणी गरे।

'त्यो फैसला अस्वभाविक छ, अप्राकृतिक छ। र, राजनीतिक प्रकृतिको निर्णय भयो भनेर हामीले असहमति जनाएका थियौं', उनले भने, 'त्यही फैसलालाई पुनरावलोकन गर्नुपर्‍यो भनेर मैले निवेदन दर्ता गराएको छु।'

अब सर्वाेच्चले निस्सा दिएमा मुद्दा सुनुवाइ प्रक्रियामा जाने छ। नदिएमा यसअघिकै फैसला अन्तिम भएर बस्ने छ। निस्सा दिने वा नदिनेबारे अब पेशी ताेकिने छ। उक्त पेशी तीन न्यायाधीशकाे इजलासमा तोकिने छ। यसअघि दुई न्यायाधीशकाे इजलासले फैसला सुनाएकाले साे भन्दा ठूलाे इजलासले सुनुवाइ गर्नु पर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन