काठमाडाैं- म्यानमारमा सैन्य ‘कू’ विरुद्धकाे प्रदर्शनमा उत्रिएका थप ९ जनाकाे मृत्यु भएकाे छ। बिहीबार सेनाले याेङ्गुनस्थित थिङ्गान्ग्युन, सेगिङ क्षेत्रको खिन–यु टाउन, काचिन राज्यको मोहनिन टाउन, सान राज्यको ताङगुङ्गी सहरमा चलाएकाे गाेली लागेर उनीहरुकाे मृत्यु भएकाे हाे।
द एसिस्टेन्स एशोसिएसन फर पोलिटिकल प्रिजनर्स (एएपीपी)का अनुसार मान्डले सहरमा बिहीबार गाेली लागेर थप एक १६ वर्षे बालकको मृत्यु भएकाे छ। यसका साथ केही व्यक्ति घाइते भए।
मंगलबार मात्रै मान्डले सहरमा बुबाकाे काखमा खेलिरहेकी ७ वर्षीय बालिकाकाे गाेली हानेर सेनाले हत्या गरेकाे थियाे। उनी जारी आन्दाेलमा ज्यान गुमाउनेमध्ये कान्छी सहिद हुन्। याेसँगै प्रदशर्नमा ज्यान गुमाउने नाबालकहरुकाे संख्या २० पुगेकाे छ।
याेसँगै म्यानमारमा सैन्य ‘कू’विरुद्ध जारी प्रदर्शनमा मृत्यु हुनेकाे संख्या ३ सय २० पुगेकाे छ। बुधबार मात्रै २३ प्रदर्शनकारीकाे मृत्यु भएकाे एएपीपीले जनाएकाे छ।
‘हिजो विभिन्न सहरहरूमा रातिसम्म विरोध प्रदर्शन गरिएको थियो, जसमध्ये केही स्थानमा हिंस्रक रुप लियो। प्रदशर्नकारीहरुलाई गोली हानियो। केही घाइते भए र केही पक्राउ परे। मान्डलेमा एक युवक मारिए,’ एएपीपी भनेको छ।
यस्तै जारी प्रदर्शनमा पक्राउ पर्नेकाे संख्या पनि बढ्दाे छ। हालसम्म २९ सय ८१ जना पक्राउ गरिएकाे एएपीपीले जनाएकाे छ। यता सेनाले २४ प्रदर्शनकारीलाई अपराधी ठहर गरेकाे छ। यस्तै १०९ प्रदर्शनकारीलाई फरार अपधाराधीकाे सूचीमा राखेकाे एएपीपीले जनाएकाे छ।
यस्तै बिहीबार सेनाले अघिल्लाे महिना पक्राउ गरेका ६०८ प्रदर्शनकारीलाई रिहा गरेकाे छ। उनीहरुलाई सैन्य कानून उल्लघंन गरेकाे आराेपमा बिभिन्न स्थानबाट पक्राउ गरिएकाे थियाे। रिहा भएपछि प्रदर्शनकारीहरूले तीन औंलाहरू पनि देखाएका थिए, जुन सेनाको विद्रोहको प्रतीक मानिएकाे छ।
बिहीबार धेरै शहरहरुमा शान्तिपूर्ण प्रदर्शन भएका थिए। गत नोभेम्बरमा सम्पन्न चुनावमा नेशनल लिग फर डेमोक्रेसी (एनएलडी)ले ठूलो जीत हासिल गरेकाे थियाे। उक्त मतगणना पछि राष्ट्रपति विन मिन्ट र एनएलडीकी प्रमुख नेतृ सू चीसहित अधिकांश नेताहरुलाई सेनाले पक्राउ गरेर सैन्य शासन लागु गरिएकाे थियाे। त्यसयता म्यानमारमा सेनाविरुद्ध प्रदर्शन जारी छ।
म्यानमारमा भइरहेकाे सैन्य ‘कू’विरुद्ध अन्तर्राष्ट्रिय शक्ति रुष्ट बनेकाे छ। बिहीबार मात्रै अमेरिकाले बर्मेली सेनाकाे स्वामित्वका दुई कम्पनीलाई कालोसूचीमा राखेकाे छ। गत फेब्रुअरी १ मा सेनाले ‘कू’ गरेयता प्रदर्शनकारीमाथि व्यापक दमन भएसँगै अमेरिकाले म्यानमारको म्यानमार इकोनोमिक कर्पोरेसन (एमईसी) र म्यानमार इकोनोमिक होल्डिङ्स (एमईएचएल)माथि प्रतिबन्ध लगाएकाे हाे।
गत नोभेम्बरमा सम्पन्न चुनावमा नेशनल लिग फर डेमोक्रेसी (एनएलडी)ले ठूलो जीत हासिल गरेको थियो। उक्त मतगणना पछि राष्ट्रपति विन मिन्ट र एनएलडीकी प्रमुख नेतृ आङ साङ सू चीसहित अधिकांश नेताहरुलाई सेनाले पक्राउ गरेर सैन्य शासन लागु गरिएको थियो। त्यसयता म्यानमारमा सेनाविरुद्ध प्रदर्शन जारी छ।
यता अमेरिकालगायत पश्चिमा मुलुकले म्यानमारमाथि दबाब बढाउन प्रतिबन्ध लगाउँदै आएका छन्। अमेरिकी राष्ट्रपति जो वाइडेनले फेब्रुअरी ११ मा एक कार्यकारी आदेश जारी गरेर म्यानमार सेना र यसकाविरूद्ध नयाँ प्रतिबन्ध लगाउने बाटो खोलिदिएका थिए। उक्त आदेशले म्यानमारको केन्द्रीय बैंकले न्युयोर्क फेडरल रिजर्भमा करिब १ अर्व अमेरिकी डलर जम्मा गरेको थियो।
सेनाले सत्ता कब्जा गरेपछि उक्त रकम म्यानमारको बैंकले फिर्ता लिन प्रयास गरेका थिए। तर, अमेरिकाले फिर्ता भने दिएन। यसअघि नै अमेरिकासँगै बेलायत, ईयू र क्यानडाले पनि म्यानमारको सेनाका शीर्ष अधिकारीमाथि प्रतिबन्ध लगाइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768438874.png)
-1764146706.png)
-1768395492.png)
