२४.०८ अंकले घट्यो नेप्से, होटल तथा पर्यटन र जलविद्युत समूह भने हरियो

बैंक/बिमा/सेयर

नेपाल लाइभ सोमबार, चैत ९, २०७७ १५:३१

काठमाडौं- आइतबार उच्च अंकले बढेको पुँजीबजारमा सोमबार भने दोहोरो अंकले गिरावट देखिएको छ। आज नेपाल स्टक एक्सचेन्ज (नेप्से) परिसूचक २४.०८ अंकले घटेर २५१४.३९ अंकमा कायम भएको छ।

आज २११ वटा कम्पनीको एक करोड नाै लाख ३१ हजार कित्ता सेयर ६१ हजार ४८८ पटक खरिद बिक्री हुँदा पाँच अर्ब ३५ करोड १३ लाख रुपैयाँ बराबरको कारोबार भएको छ।आज होटल तथा पर्यटन समूह १०४.९७ अंक र जलविद्युत समूह १०१.७३ अंकले बढेको छ। बाँकी सबै समूहको उपसूचक घटेको छ।

सबैभन्दा धेरै जीवन बिमा समूहको उपसूचक ३१५.९६ अंकले घटेको छ। त्यस्तै बैकिङ समूह २१.४८, व्यापार समूह १६.५, विकास बैंक समूह १९.५३, वित्त समूह ८.१९ र निर्जीवन बिमा समूह १८३.५८ अंकले घटेको छ। उत्पादन, लघुवित्त, जीवन बिमा, लगानी र अन्य समूहमा क्रमशः १२९.२२, ९२.७८, १.४ र ३०.६२ अंकको गिरावट देखिएको छ।

आज कारोबार रकमका आधारमा सबैभन्दा धेरै अपर तामाकोशी हाइड्रोपावर कम्पनीको ४६ करोड ९६ लाख ८९ हजार रुपैयाँ बराबरको कारोबार भएको छ। खरिद भएका सेयर संख्याका आधारमा नेपाल बंगलादेश बैंकको आठ लाख ७७ हजार कित्ता सेयर किनबेच भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण