काठमाडाैं–कुनै जमाना थियो, धनियाँ र रामबिलासको जोडीलाई नेपाली श्रोताले निकै मन पराउँथे । रेडियो नेपालबाट आउने धनियाँकी मुनिया कार्यक्रमबाट हिट भएको धनियाँ र रामबिलासको जोडी अहिले दीपक र दीपाको नामबाट परिचित छ।
त्यही जोडीमध्ये दीपा श्री निरौलाको आवाजमा होलीको गीत सार्वजनिक भएको छ, धनियाँकी होली। व्यवसायिक सफलता हात पार्न सफल भएको फिल्म छक्का पञ्जाकी निर्देशक दीपा श्री निरौलाले फागू पूर्णिमालाई मध्यनजर गरेर होली गीत सार्वजनिक गरेकी हुन्।
गीतमा दीपासँगै गायक सुमित खड्कालाई पनि सुन्न सकिन्छ। निरज श्रेष्ठको संगीत रहेको गीतमा दीप नारायण राजवंशीको शब्द रहेको छ। गीतको भिडियोमा दीपासँग दीपकराज गिरी, केदार प्रसाद घिमिरे, किरण केसी, शिवहरि पौडेल, जयानन्द लामा, रवि डंगोललगायतका हास्य कलाकारको अभिनय छ।
दीपा श्रीकै निर्देशनमा तयार पारिएको भिडियोलाई छक्का पञ्जा युट्युव च्यानलबाट सार्वजनिक गरिएको छ। हरि हुमागाईंको छायांकन रहेको भिडियोमा शिशिर खातीको कोरियोग्राफी रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
