काठमाडौं- नारायहिटी दरबार संग्रहालयभित्र रहेको बन्द पुरानो सिने हल पुन: सञ्चालानमा ल्याइने भएको छ। २०५८ जेठ १९ गते अगाडिसम्म सञ्चालन भइरहेको सिने हल अहिले बन्द छ।
२०५८ जेठ १९ गते दरबार हत्याकाण्डपछि सिने हल बन्द थियो। ‘बन्द सिने हल पुनः सञ्चालनको लागि आवश्यक तयारी सुरु भएको छ,’ नारायणहिटी दरबार तथा गणतन्त्र स्मारक व्यवस्थापन र सञ्चालन विकास समितिका कार्यकारी निर्देशक भेषनारायण दाहालले भने, ‘केही दिनदेखि दरबारभित्र रहेका विभिन्न डकुमेन्ट्री र इभेन्टहरूका रिल सफा गर्ने काम भइरहेको छ। सबै रिल काम लाग्ने अवस्थामा नै रहेको अवस्थामा छन्।’
अहिले विज्ञ समूह लगाएर रिलको विषयमा अध्ययनको काम समेत भइरहेको दाहाल बताउँछन्।
‘दरबारभित्रको यो हलमा सर्वसाधारणले राजपरिवारका सदस्यहरुको विषयमा तयार पारिएको डकुमेन्ट्री मात्रै हेर्न पाउनेछन्,’ दाहालले भने। उनका अनुसार २०३० सालतिरको भ्रमणको भिडियो तथा राजपरिवपारको सदस्यहरुको विवाह तथा अन्य गतिविधिको रिल समेत फेला परेको छ।
अहिले नै यही मितिबाट हल सञ्चालनमा ल्याउँछ भन्ने सक्ने अवस्था नभएपनि नयाँ वर्षबाट गर्न सकिन्छ किन भनेर तीब्र गतिमा काम गरिरहेको दाहाल बताउँछन्।
संग्रहालय छिर्न तिर्ने टिकटबाट नै सिनेमा हेर्न दिने कि त्यसका लागि थप रकम लिने भन्ने विषयमा निर्णय भइसकेको छैन। यसमा पछि बोर्डबाट निर्णय हुने दाहालको भनाइ छ। २०५८ सालदेखि नचलेका रिलहरूलाई प्रोसेसिङ र सफा गर्ने काम सुरु भएको दाहाल बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
