काठमाडौं- सरकारले आगामी वसन्त ऋतुको हिमाल आरोहणको परमिट (अनुमति) जारी सुरु गरेको छ। केही दिन अगाडिबाट पर्यटन विभागले हिमाल आरोहणको परमिट जारी गर्न थालेको हो।
विभागले ७ हजार ८ सय ६४ मिटर अग्लो नुप्त्से हिमाल आरोहणका लागि एक दलका ४ जना आरोहीलाई अनुमति दिइसकेको छ। आरोहण अनुमतिबाट विभागले २ लाख ७९ हजार २ सय ४० रुपैयाँ रोयल्टी समेत संकलन गरेको छ।
हिमाल आरोहणको अनुमति जारी सँगै पर्यटन विभागले आरोहणलाई व्यवस्थित र सुरक्षित बनाउन भन्दै ११ वटा शर्त समेत जारी गरिसकेको छ।
यस्ता छन् ११ शर्त :
विभागले एजेन्सीका तर्फबाट पर्वतारोहण सम्बन्धी कार्य गर्नका लागि आधिकारिक व्यक्ति तोकेर पठाउनु पर्ने शर्त समेत अगाडि सारेको छ।
यसबाहेक विभागले पर्वतारोही दलले पर्वतारोहण बाहेक अन्य थप गतिविधि गर्ने भएमा पर्यटन विभागमा अनिर्वाय जानकारी गराई स्वीकृत लिएर मात्र थप गतिविधि गर्न भनेको छ।
कुनै पनि पर्वतारोही दल तथा दलका सदस्यले फोटो, भिडियो तथा फिल्मिङ सम्बन्धी काम गर्दा आफू सम्बद्ध दल र दलका सदस्यको आरोहण गतिविधि बाहेक अन्यको फोटो, भिडियो खिच्ने तथा फिल्मिङ सम्बन्धी काम गरी त्यसको प्रचार प्रसार तथा प्रकाशन गर्न नपाइने गरी शर्तहरु जारी गरेको छ।
यसैगरी, विभागले पर्वतीय पथ प्रदर्शकलाई परिचय पत्र उपलब्ध गराउने गरी सूचना पनि जारी गरिसेको छ।
कस्तो छ तयारी?
अघिल्लो वर्ष कोभिडका कारण वसन्त ऋतुको हिमाल आरोण बन्द भएको थियो। हिमाल आरोहणमा पनि सगरमाथा चढ्नका लागि वसन्त ऋतु सबैभन्दा राम्रो समय पनि मान्निछ। सबैभन्दा धेरै सगरमाथा चढ्ने पनि यही सिजनमा हो।
हिमाल आरोहणलाई मर्यादित र सुरक्षित बनाउन विभागले आफ्नो क्षेत्रअधिकारभित्र बसेर काम थालेको विभागकी निर्देशक मिरा आचार्य बताउँछिन। ‘विभागले पर्यटन ऐन २०३५ र पर्वतारोहण सम्बन्धि नियमावली २०५९ अन्तर्गत बसेर आरोहणको कार्यलाई व्यवस्थित गर्न लागिपरिरहेका छौं,’ उनले भनिन, ‘आरोहणलाई व्यवस्थित गर्नका लागि फिल्डमा गर्नुपर्ने काम सुरु गरिसकेका छौं। उद्धार टिमहरु आफ्नो कामका लागि जाँदै हुनुहुन्छ। आरोहणको लागि बाटो बनाउने काम पनि सुरु भएको छ। त्यसमा खटिएका व्यक्तिहरु अहिले बाटोमा छन्। काम गर्ने तयारी गरिरहनु भएको छ। सामान जुटाइरहनु भएको छ।’
यो वर्षको स्वास्थ्य अवस्थालाई ख्याल गरेर नेपाल सरकार अन्तर्गत नै कार्यरत रहेका डाक्टरहरु आवश्यक ठाउँमा खटाउने प्रक्रिया सुरु भएको विभागले जनाएको छ। प्रक्रिया पूरा भएपछि खटिएको ठाउँमा गएर डाक्टरहरुले काम गर्ने आचार्य बताउँछिन्।
‘यो चाहिँ विल्कुल नै नयाँ काम भएको छ,’ उनले भनिन्,‘ यसअघि बाहिरबाट भोलेन्टियर गर्न डाक्टर आउने गर्थे। अहिले चाहिँ नेपाल सरकार अन्तर्गतकै डाक्टर जाने छन्।’
यसबाहेक निरन्तर सूचनाहरु लिने र विशलेषण गर्ने कामहरु गरिरहेको उनले बताइन्। साथै अहिले फरक क्षेत्र र अवस्थामा व्यक्तिहरुले पनि हिमाल आरोहणमा चासो देखाइरहेको आचार्यले जानकारी दिइन्।
कुन हिमाल चढ्दा कति लाग्छ शुल्क (रोयल्टी)?
हिमाल आरोहणका लागि सरकारले ३ सिजनका लागि अलग अलग शुल्क (रोयल्टी) तोकेको छ। अन्य सिजनको भन्दा वसन्त ऋतुको रोयल्टी रकम दोब्बर छ।
वसन्त ऋतुमा सगरमाथा चढ्न बढी आउने भएका कारण विभागले रोयल्टी समेत बढी लिने गरेको छ। सरकारले हिमाल आरोहण रोयल्टीमा विदेशी र नेपालीलाई फरक फरक राखेको छ।
वसन्त ऋतुमा सगरमाथा चढ्ने एक जना विदेशीले ११ हजार डलर रोयल्टी तिर्नु पर्छ भने नेपालीले ७५ हजार रुपैयाँ तिर्नु पर्छ।
विदेशीका लागि लाग्ने हिमाल आरोहणको रोयल्टी
नेपालीका लागि लाग्ने हिमाल आरोहणको रोयल्टी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
