महाराष्ट्रका तीन सहरमा पुन: लकडाउन

विश्व

नेपाल लाइभ बिहीबार, फागुन २७, २०७७ २१:५८

नयाँदिल्ली– भारतको महाराष्ट्र राज्यमा कोरोना भाइरसको संक्रमण बढेसँग पुन: लकडाउन गरिएकाे छ। त्यहाँकाे सरकारले केही ठूला सहरहरुमा कडा खाले लकडाउन गरेको हाे।

भारतीय स्वास्थ्य मन्त्रालयका अनुसार नागपुरमा माच १५ देखि मार्च २१ सम्म लकडाउन गरिने भएको छ। यता अमरावती र औरंगावादमा पनि राज्य सरकारले लकडाउन गरेको छ।

पछिल्लो २४ घण्टामा मात्रै महाराष्ट्रमा १३ हजार ६ सय ५९ नयाँ कोरोना संक्रमति थपिएको मन्त्रालयल जनाएकाे छ। यो संख्या पछिल्लो २४ घण्टामा कोरोनाबाट अत्याधिक प्रभावित राष्ट्र रुस, बेलायत, स्पेन र जर्मनीमा देखिएको भन्दा पनि बढी हो।

'महाराष्ट्र प्रदेशमा मात्रै एक लाखभन्दा बढी सक्रिय संक्रमित रहेका छन्। धेरै संक्रमित रहेका दश जिल्लामध्ये आठ जिल्ला महाराष्ट्र प्रदेशका मात्रै रहेका छन्,' मन्त्रालयका सचिव राजेश भूषणले जानकारी दिए।

महाराष्ट्रको पछिल्लो अवस्थाप्रति भारतको केन्द्र सरकारले पनि चिन्ता व्यक्ति गरेको छ। कोरोनाको परीक्षणमा आएको कमी र मानिसहरुको लापरवाहीका कारण यो अवस्था आएको मन्त्रालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हावाहुरीको वितन्डाले लुम्बिनीमा पाँच जनाको मृत्यु, ८ घाइते

चीनमा नेपाललाई वर्ष २०२५ को ‘लोकप्रिय सांस्कृतिक गन्तव्य’ घोषणा

हावाहुरीले रुख ढल्दा च्यापिएर सुनवलमा २ जनाको मृत्यु