लण्डन– बेलायतका राजकुमार विलियमले ह्यारी र मेगन मर्केलले राजपरिवारका सदस्यमाथि लगाएको ‘रंगभेद’ को आरोपलाई खण्डन गरेका छन्। बीबीसीसँगकाे कुराकानीमा भाइबुहारीले दाबी गरेजस्ताे राजपरिवादमा कुनै रंगभेद नरहेकाे उनले बताएका हुन्।
अमेरिकी टेलिभिजनकर्मी ओप्रा विन्फ्रीसँगको अन्तर्वार्ताको क्रममा बेलायती राजकुमार ह्यारीकी पत्नी मेगनले अन्तर्वार्ताको क्रममा मेगनले रंगको कारण नै आफ्नो छोरा आर्चीलाई राजदरवारले राजकुमारको उपाधि नदिएको आरोप लगाएकी थिइन्।
त्यसकाे खण्डन गर्दै आफ्नाे परिवारमा रंगभेदी भावना समेत नरहेकाे विलियमले बताए। ‘हामीहरु त्यस्तो रंगभेदी परिवार पटक्कै होइनौं,’ उनले भने।
यसबारे बकिंघम प्यालेसले राजपरिवारका सदस्यमाथि लगाएको ‘रंगभेद’ को आरोपलाई गम्भीर रुपमा लिएको जनाएको छ। उनको दाबीका कारण सिर्जित विवादलाई सो राजपरिवारमा सन् १९९७ मा बेलायती युवराज्ञी तथा विलियम र ह्यारीकी आमा डायनाको मृत्यु हुँदा आइपरेको समस्यापछिको सबैभन्दा ठूलो झट्काका रुपमा लिइएको छ।
विलियमले सो अन्तरवार्तापछि आफू र ह्यारीबीच कुराकानी नभएकोसमेत बताए। ‘मैले उनीहरुसँग अहिलेसम्म कुरा गरेको छैन, तर म गर्ने छु,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
