काठमाडाैं– अमेरिकाले मानव अधिकार उल्लंघनमा संलग्न रहेको भन्दै दुई इरानी अधिकारीमाथि प्रतिबन्ध लगाउने निर्णय गरेको छ। राजनीतिक कैदी र प्रदर्शनकारीहरुमाथि बल प्रयोग गर्दै मानव अधिकार उल्लंघन गरेको अभियाेगमा उनीहरुमाथि प्रतिबन्ध लगाउने निर्णय गरिएकाे हाे।
अमेरिकाको विदेशमन्त्रालयले मंगलबार सार्वजनिक गरेको एक विज्ञप्तिमा इरानका अलि हेमेटियन, मासुम सफदारी र उनीहरुको परिवारलाई अमेरिका प्रवेशमा रोक लगाउने निर्णय भएको बताएको छ।
पछिल्लो समय इरान र अमेरिका सन् २०१५ मा भएको न्युक्लियर सम्झौतामा फर्किने विषयमा छलफलको क्रममा रहेको अवस्थामा अमेरिकाले इरानी अधिकारीमाथि प्रतिबन्धको निर्णय गरेको हो।
सन् २०१९ र २०२० मा इरानमा भएको प्रदर्शनको क्रममा उनीहरुले राजनीतिक बन्दी र आन्दोलनको क्रममा पक्राउ परेका मानिसहरुलाई चरम यातना दिने र अमानवीय कार्य गर्ने गरेको मन्त्रालयले जनाएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
