काठमाडाैं- नेपाल पर्यटन बोर्डले सन् २०२१ को बसन्त ऋतुमा हुने हिमाल तथा पर्वतारोहणका लागि ११ वटा नियम जारी गरेको छ।
विभागको पर्वतारोहण शाखामा निर्देशक मिरा आर्चाले बसन्त ऋतुमा हुने पर्वतारोहणलाई व्यवस्थित बनाउन ११ नियम जारी गरिएको बताइन्।
यस्ता छन् ११ शर्त:
१. एजेन्सीका तर्फबाट पर्वतारोहण सम्बन्धी कार्य गर्नका लागि आधिकारिक व्यक्ति तोकेर पठाउने।
२. पर्वतारोही ददले पर्वतारोहण बाहेक अन्य थप गतिविधि गर्ने भएमा पर्यटन विभागमा अनिर्वाय जानकारी गराई स्वीकृत लिएर मात्र थप गतिविधि गर्नु र गराउनु पर्ने।
३. कुनै पनि पर्वतारोही दल तथा दलका सदस्यले फोटो, भिडियो तथा फिल्मिङ सम्बन्धी काम गर्दा आफू सम्बद्ध दल र दलका सदस्यको आरोहण गतिविधि बाहेक अन्यको फोटो, भिडियो खिच्ने तथा फिल्मिङ सम्बन्धी काम गरी त्यसको प्रचार प्रसार तथा प्रकाशन गर्न पाइने नपाइने।
४. पर्वतारोही दलका सम्पूर्ण सदस्य तथा आरोही सदस्यको स्वास्थ्य अवस्था पेश गर्दा निज पर्वतारोहण कार्यका लागि उपयुक्त भएको विवरण पेश गर्नु पर्नेछ।
५. पर्वतारोहणमा जाने दल सम्बद्ध एजेन्सीले अनलाइन बिफ्रिङ भरेपछि मात्र आरोहण अनुमतिपत्र जारी हुनेछ साथै अनलाइन डिब्रिफ्रिङ भरेपछि मात्र डिब्रिफिङ हुनेछ।
६ अनुमतिपत्र जारी भएको मौसम समाप्त भएको १५ (पन्ध्र) दिन (अन्तिम डिब्रिफिङ भएको १५ दिन) पछि मात्र आरोहणको प्रमाणपत्र जारी गर्ने कार्य सुरु हुनेछ तर, अनलाइन डिब्रिफिङ नभरेको हकमा आरोहण प्रमाणपत्र जारी हुने छैन।
७. आरोहण दलका सम्पूर्ण सदस्यको यात्रा कार्यक्रम विवपरण आरोहण अनुमतिपत्र जारी गर्ने समयमा पेश गर्नु पर्नेछ। साथै डिब्रिफिङ हुँदाका बखत आरोहण दलका सदस्यहरु के कुन माध्यमबाट के कसरी काठमाडौं आइपुगे सोको विवरण समेत पेश गर्नु पर्नेछ।
८. आरोही दल सम्बद्ध एजेन्सीले पर्वतारोहण दलका साथ जाने सहयोगीहरुको विमा गर्दा पर्वतारोहण सम्बन्धी नियमावली, २०५९ मा उल्लेखित व्यक्तिको कार्यभूमिका बमोजिम (सरदार, पथ प्रर्दशक, उचाईका कामदार, आधार शिविरका कामदार, स्थानीय कामदार) को पदनाम राखेर बीमा गर्नु पर्नेछ। अन्यथा आरोहणको प्रमाणपत्र जारी हुने छैन।
९. पर्वतारोहणमा जाने दल सम्बद्ध एजेन्सीले आरोहणका गतिविधि समेटेर सफलरअसफल आरोहीको विवरणसहितको प्रतिवेदन डिब्रिफिङ हुँदाका बखत पर्यटन विभाग समक्ष पेश गर्नु पर्नेछ।
१०. आपतकालीन उद्धार गरिएका पर्यटक बिरामीलाई सीमित स्रोत साधन भएका अस्पतालमा पुर्याउने तथा रेफर गर्ने गरिएको पाइएको हुँदा त्यसरी उद्धार गरिएका पर्यटकलाई आधुनिक उपकरण भएका सुविधा सम्पन्न अस्पतालहरुमा मात्र लैजाने वस्दोबस्त वायुसेवा, हेलिकप्टर सेवा सञ्चालक तथा टुर/ट्राभल/ ट्रेकिङ/एक्सपिडिसन सञ्चालकहरुले गर्नु पर्नेछ।
११. डिब्रिफिङका समयमा सम्बन्धित दलको सम्पर्क अधिकृत अनिवार्य उपस्थित भई आफू खटिई गएको दलसम्बद्ध सम्पूर्ण विवरण पेश पर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1738557849.jpg)
-1768546075.png)
-1764146706.png)
-1768395492.png)
