काठमाडौं– नेपाल, बंगलादेश र किर्गिस्तानको यु–२३ टिमबीच त्रिदेशीय फुटबल प्रतियोगिता हुने भएको छ। त्रिदेशीय फुटबल प्रतियोगिता दशरथ रंगशालामा मार्च २२ देखि ३० सम्म आयोजना हुने भएको हो।
शुक्रबार अखिल नेपाल फुटबल संघ (एन्फा) ले नेपालसहित बंगलादेश र किर्गिस्तानको यु–२३ टिमबीच त्रिदेशीय फुटबल प्रतियोगिता हुने जानकारी दिएको हो। किर्गिस्तानको यु–२३ टिम भने ओलम्पिकको तयारीमा छ।
किर्गिस्तानले यसैलाई मुख्य प्राथमिकतामा राख्दै सहभागिता जनाउन लागेको हो। नेपाल र बंगलादेशले भने विश्वकप फुटबलको दोस्रो चरण अन्तर्गत बाँकी खेललाई मध्यनजर गर्दै खेल्न लागेका हुन्।
प्रतियोगिता राउण्ड रोविनको आधारमा हुने एन्फाले जानकारी दिएको छ। कुल चार खेल हुनेछ भने शीर्ष दुईमा पर्ने टिमले फाइनल खेल्ने छन्।
एन्फाले विश्वकप छनोटको दोस्रो चरणको खेल कोरोना भाइरसको कारण केही समय पर धकेलिएपछि त्रिदेशीय फुटबल प्रतियोगिताको अवधारणा ल्याएको हो।
यसले विश्वकप छनोटको दोस्रो चरणको बाँकी खेलको लागि तयारीमा मद्दत पुग्ने एन्फाले विश्वास लिएको छ। नेपाली राष्ट्रिय फुटबल टिम लामो समयदेखि तयारीमा जुटिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
