नेप्से नयाँ उपसूचकः ४ कम्पनी राखेर ‘लगानी’ समूह, चन्द्रागिरी ‘होटेल्स तथा पर्यटन’मा

बैंक/बिमा/सेयर

नेपाल लाइभ आइतबार, फागुन १६, २०७७ १२:०५

काठमाडौं– नेपाल स्टक एक्सचेन्ज लिमिटेड (नेप्से) मा नयाँ उपसूचक थपिएको छ। नेप्से व्यवस्थापनको फागुन ७ गतेको निर्णयअनुसार आइतबारबाट लागु हुनेगरी ४ वटा कम्पनी राखेर ‘लगानी’ समूह बनाई छुट्टै उपसूचक राखिएको छ भने केहि सुचीकृत कम्पनीको समूह विभाजनमा हेरफेर गरिएको छ।

हाल नेप्सेमा सूचीकृत कम्पनीको संख्या २१८ छ। यी समूहलाई ११ वटा समूहमा विभाजन गरी समूहगत परिसुचक गणना गरिँदै आएकोमा अबदेखी लगानी समूह पनि थप गरी १२ वटा समूहगत परिसूचक बनाइएको छ।

नयाँ व्यवस्थाअनुसार अब नेप्सेले म्युचुअल फण्ड, सेन्सेटिभ, सेन्सेटिभ फ्लोट र समग्र बजा परिसूचक गरी १६ वटा परिसूचक गणना र प्रकाशन गर्नेछ।

नेप्सेका अनुसार साबिकको अन्य ८ वटा कम्पनीमध्ये ४ वटा कम्पनीलाई ‘लगानी’ समूहमा राखी नयाँ समूह बनाइएको छ।

नयाँ बनाइएको लगानी समूहमा नागरिक लगानी कोष, जलविद्युत लगानी तथा विकास कम्पनी लिमिटेड, नेपाल इन्फ्रास्ट्रक्चर बैंक र एनआरएन इन्फ्रास्ट्रक्चर एण्ड डेभलपमेन्ट लिमिटेडलाई राखिएको छ।

त्यस्तै साबिकको होटल समूहको नाम परिवर्तन गरी ‘होटल्स तथा पर्यटन’ समूह बनाइएको छ। यो समूहमा चन्द्रागिरी हिल्स लिमिटेडलाई पनि राखिएको छ।

यसअघि होटल समूहमा ओरियन्टल होटल लिमिटेड, सोल्टी होटल लिमिटेड, तारागाउँ रिजेन्सी होटेल लिमिटेड, र याक एण्ड यती होटल लिमिटेड गरी ४ वटा कम्पनी मात्रै थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी