काठमाडाैं– म्यान्मारको जुन्ता सरकारविरूद्धको आन्दोलनमा रिपोर्टिङ गर्न गएका पत्रकारलाई पक्राउ परेका छन्। शुक्रबार दोस्रो सबैभन्दा ठूलो सहरमा म्यान्डेलीमा भएको प्रदर्शनमा रिपोर्टिङ गर्न गएका जापानी पत्रकारलाई पक्राउ गरेको हो।
जापानको क्योडो समाचार एजेन्सीका अनुसार उनलाई हिरासतमा लिएर केही समयपछि छाडिएको छ। यता राजधानी नेपिटो पुगेका पत्रकारहरुलाई पनि पक्राउ गर्ने प्रयास गरेको जनाइएको छ।
तस्वीर क्यामेरामा कैद गर्दैगर्दा सुरक्षाकर्मीले उनीहरूलाई पक्राउ गर्न खोजेको हो। ‘सैन्य कू’पछि सडक आन्दोलनमा समाचार बनाउन खटिएका पत्रकारमाथि हस्तक्षेप गर्ने सुरक्षाकर्मीको यो प्रयास पहिलो होइन।
केही दिनअघि मात्रै मिचिनामा कार्यरत विभिन्न सञ्चार संस्थाका पत्रकारलाई प्रहरीले आक्रमण गरेको ऐरावती दैनिक पत्रिकाले जनाएको छ।
प्रदर्शनकारीमाथि रबरको गोली प्रहार
म्यान्डेलीमा सुरक्षा बलले चलाएको रबरको गोली लागेर तीन जना प्रर्शनकारी घाइते भएका छन्। बिरोध प्रदर्शन गरिरहेका प्रदर्शनकारीहरुमाथि रबरको गोली प्रहार गर्दा उनीहरु घाइते भएका हुन्।
घाइतेमध्ये दुई जनाको छातीमा रबरको गोली लागेको छ भने अर्का एकको खुट्टामा चोट लागेको छ। घाइतेहरुलाई उपचारका लागि निजी क्लिनिक लगिएको थियो।
रबरको गोलीले छातीमा चोटपटक लागेका व्यक्तिको टाउकोमा सेतो पट्टी पनि बाँधिएको थियो। खुट्टामा चोट लागेको व्यक्तिको खुट्टाबाट उसको घुँडामा प्लास्टर बाँधिएको थियो।
सेनाले सत्ता हत्याएसँगै सर्वसाधारण, पेशाकर्मी तथा भिक्षुहरु पनि प्रदर्शनमा उत्रिएका छन्। दबाबमा आएको सैनिक नेतृत्वले पछिल्ला दिनमा प्रदर्शनकारीमाथि बल प्रयोग गर्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
