काठमाडौं– लुम्बिनी विकास कोषले नेपाली तथा विदेशी पर्यटकका लागि नयाँ प्रवेश शूल्क ताेकेकाे छ। वैशाख १ गतेबाट लागू हुने गरी नयाँ शूल्क तोकिएकाे हाे।
कोषको कार्यकारणी समितिको बैठकले उक्त निर्णय गरेको सदस्य सचिव सानुराजा शाक्यले जानकारी दिए। कोषले लुम्बिनी क्षेत्र संरक्षणका लागि भनेर संरक्षण सेवा शूल्क तय गरेको उनले बताए।
कोषले प्रवेश शूल्कमा नेपाली नागरिकलाई ५० रुपैयाँ तोकेको छ। यसमा विद्यार्थीका लागि ५० प्रतिशत छुट हुने कोषले जनाएको छ।
तर, रुपन्देही, कपिलबस्तु र नवलपरासी सुस्ता पश्चिमका नागरिकका लागि भने निशूल्क हुने छ। यसअघि नेपालीका लागि २० रुपैयाँ शूल्क लिँदै आइएको थियो।
यसैगरी भारतीय नागरिकको लागि एक सय रुपैयाँ तोकिएकाे छ। यसअघि भारतीयका लागि ४० रुपैयाँ थियो। विद्यार्थीका लागि ५० प्रतिशत छुट अहिले निरन्तर दिइएको छ।
सार्क राष्ट्रका नागरिकका लागि पहिले २ सय थियो। अहिले बढाएर ३ सय रुपैयाँ पुर्याइएकाे छ। यस्तै तेस्रो मुलुकको नागरिकका लागि पहिले ५ सय रुपैयाँ थियो। अहिले बढाएर ६६ सय रुपैयाँ ताकेको छ।
यसैगरी कोषले पर्यटकले लैजाने क्यामेरा शूल्क, भिडियो क्यामेरा शूल्क तथा छायांकन शूल्क पनि तोकेको छ।
क्यामेराको हकमा नेपाली लागि पहिले ५० थियो अहिले १ सय, भारतीयका लागि पहिले ५० थियो अहिले १ सय, सार्क राष्ट्रका नागरिकको हकमा र तेस्रो राष्ट्रको हकमा पहिलो २ डलर थियो अहिले बढाएर ३ डलर तोकिएको छ।
यसैगरी भिडियो क्यामेराको हकमा नेपाली र भारतीयका लागि पहिले ५ सय रुपैयाँ थियो भने अहिले बढाएर १ हजार र अन्य देशका नागरिकको हकमा २० डलरबाट बढाइएर २५ डलर तय भएको छ।
छायांकनको हकमा नेपालीलाई पहिले ५ हजार थियो। अहिले बढाएर १० हजार पुर्याइएकाे छ। यता भारतीय र अन्य देशका नागरिकका लागि ५ सय डलरबाट बढाएर अहिले बढाएर ७ सय डलर तोकिएको छ।
तर, भिक्षु, भिक्षुणी तथा ७० वर्ष माथिका नागरिक तथा १० वर्ष मुनिका लागि कुनै शूल्क नलाग्ने कोषले जनाएको छ। रुपन्देही, कपिलबस्तु र नवलपरासी सुस्ता पश्चिमका नागरिकले पनि परिचय खुल्ने कार्ड देखाउनु पर्नेछ।
किन बढ्यो शूल्क ?
कोषले प्रवेश शूल्कभन्दा पनि संरक्षण तथा सेवा शूल्क भनेर पहिले देखिनै रकम लिँदै आएको थियो।
धेरै समयदेखि लिँदै आएको रकम केही बढाएको कोषका सदस्य सचिव शाक्यले जानकारी दिए।
कोषले गर्नु पर्ने विकास निर्माणका काम बढेको र आयस्रोतको कम भएका कारण शूल्क बढाइएको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
