काठमाडौं- पर्यटन विभागले तारे होटल तथा रिसोर्टले राख्ने चिन्हको विषय टुंगो लगाएको छ। विभागले तारे होटल तथा रिसोर्टको संकेतमा राखिने तारा चिन्ह निर्धारण गरेको हो।
विभागले होटल तथा रिसोर्टको सेवा सुविधाको स्तरका आधारमा चिन्ह निर्धारण गरेको हो। एक तारादेखि पाँच तारसम्मका होटलको स्तर निर्धारण गरिने र जुन स्तरको होटलको स्तर छ सोही अनुसार तारा राख्ने निर्णय गरिएको विभागले जनाएको छ।
एक तारा स्तरको होटलका लागि एक तारा, दुई तारास्तरको होटलका लागि दुई तारा, तीन तारास्तरको होटलका लागि तीन तारा, चार तारास्तरको होटलका लागि चार तारा र पाँच तारास्तरको होटलका लागि पाँच तारा चिह्न रहने निर्णय गरेको छ।
तारे स्तर र अतिरिक्त सुविधाका दिने होटल तथा रिसोर्टका हकमा भने शब्द पनि समावेश गरिने विभागको निर्णय छ।
पाँच तारा डिलक्सस्तरको होटलका लागि- ५ पाँच तारा र डिलक्स शब्द
साधारण हेरिटेज बुटिक होटलका लागि- तीन तारा र स्ट्यान्डर्ड हेरिटेज बुटिक शब्द
डिलक्स हेरिटेज बुटिक होटलका लागि- चार तारा र डिलक्स हेरिटेज बुटिक शब्द
लक्जरी हेरिटेज बुटिक होटलका लागि- पाँच तारा र लक्जरी हेरिटेज बुटिक शब्द
साधारण रिसोर्टको लागि तीन तारा र स्ट्यान्डर्ड रिसोर्ट शब्द
डिलक्स रिसोर्टको लागि चार तारा र डिलक्स रिसोर्ट शब्द
लक्जरी रिसोर्टको लागि पाँच तारा र लक्जरी रिसोर्ट शब्द
यसैगरी, साविकमा पर्यटन विभाग तथा अन्तर्गतका कार्यालयबाट पर्यटकस्तरको होटलमा स्तर वर्गीकरण भएका र हाल प्रदेश सरकारको सम्बन्धित निकायबाट पर्यटकस्तरको होटलमा स्तर वर्गीकरण भएका होटलको हकमा गोलाकार रेखाभित्र रातो रङ्गमा टिएस लेखिएको चिन्हलाई संकेत चिन्हको रूपमा राख्ने निर्णय विभागले गरेको हो।
साविकमा पर्यटन विभाग तथा अन्तर्गतका कार्यालयमा दर्ता भएका र हाल प्रदेश सरकारको सम्बन्धित निकायमा दर्ता भएका मोटलको हकमा गोलाकार रेखाभित्र रातो रङ्गमा एम लेखिएको चिन्हलाई संकेत चिन्हको रूपमा राख्ने।
साविकमा पर्यटन विभाग तथा अन्तर्गतका कार्यालयमा दर्ता भएका र हाल प्रदेश सरकारको सम्बन्धित निकायमा दर्ता भएका पर्यटक इनको हकमा गोलाकार रेखाभित्र रातो रङ्गमा सानो आइ लेखिएको चिन्हलाई राख्ने।
साविकमा पर्यटन विभाग तथा अन्तर्गतका कार्यालयमा दर्ता भएका र हाल प्रदेश सरकारको सम्बन्धित निकायमा दर्ता भएका बेड एन्ड ब्रेकफास्टको हकमा गोलाकार रेखाभित्र रातो रङ्गमा बी एन्ड बी लेखिएको चिन्हलाई राख्ने।
सबैस्तरका रिसोर्ट, तारास्तरका होटल तथा सबैस्तरका बुटिक होटलले होटल र रिसोर्टको प्रवेशद्वारमा सम्बन्धित स्थानीय तहले तोकेको आकार मा होटलररिसोर्टको बनौटअनुसार सजिलै देखिने गरी तोकिएको संख्याका तारा चिन्ह सहितको साइनबोर्ड राख्नुपर्ने।
पर्यटकस्तरका होटलले होटलको प्रवेशद्वारमा सम्बन्धित स्थानीय तहले तोकेको आकार मा होटलको बनौटअनुसार सजिलै देखिने गरी गोलाकार रेखाभित्र रातो रङ्गमा टिएस लेखिएको चिन्हसहितको साइनबोर्ड राख्नुपर्ने।
मोटलले मोटलको प्रवेशद्वारमा सम्बन्धित स्थानीय तहले तोकेको आकारमा मोटलको बनौटअनुसार सजिलै देखिने गरी गोलाकार रेखाभित्र रातो रङ्गमा एम लेखिएको चिन्हसहितको साइनबोर्ड राख्नुपर्ने।
पर्यटक इनले प्रवेशद्वारमा सम्बन्धित स्थानीय तहले तोकेको आकारमा पर्यटक इनको बनौट अनुसार सजिलै देखिने गरी गोलाकार रेखाभित्र रातो रङ्गमा आई लेखिएको चिन्हसहितको साइनबोर्ड राख्नुपर्ने।
बेड एन्ड ब्रेकफास्टले प्रवेशद्वारमा सम्बन्धित स्थानीय तहले तोकेको आकारमा बेड एण्ड ब्रेकफास्टको बनौटअनुसार सजिलै देखिने गरी गोलाकार रेखाभित्र बि एण्ड बी लेखिएको चिन्हसहितको साइनबोर्ड राख्नुपर्ने।
सबैस्तरका रिसोर्ट, तारास्तरका होटल तथा सबैस्तरका बुटिक होटलमा प्रवेश गर्दा पाहुनाहरूले स्पष्ट र सजिलै देखिने गरी आगमन कक्ष र स्वागत कक्षको आसपासमा होटल र रिसोर्टको बनौटअनुसार न्यूनतम ८ वाई १२ इन्च र अधिकतम २४ वाई ३६ इन्च आकारमा देहाय बमोजिम साइनबोर्ड राख्नुपर्नेः
-पित्तलको प्लेट भएको साइनबोर्ड,
-साइनबोर्डको माथिल्लो भागमा नेपालको रङ्गीन निशाना छाप,
-निशाना छापको ठीक मुनितिर तोकिएको संख्यामा रहेका रातो रङ्गका तारा,
-तारा चिन्हको ठीक मुनितिर कालो रङ्गको तेर्सो धर्का,
-कालो रङ्गको तेर्सो धर्काको ठीक मुनितिर होटलररिसोर्टको नाम,
-होटलररिसोर्टको नामको ठीक मुनितिर कालो रङ्गको तेर्सो धर्का,
-पर्यटकस्तरका होटलहरूले ताराको सट्टा गोलाकार रेखाभित्र रातो रङ्गमा टिएस लेखिएको चिन्ह राख्ने,
-मोटलले ताराको सट्टा गोलाकार रेखाभित्र रातो रङ्गमा एम लेखिएको चिन्ह राख्ने,
-पर्यटक इनले ताराको सट्टा गोलाकार रेखाभित्र रातो रङ्गमा आइ लेखिएको चिन्ह राख्ने,
-बेड एण्ड ब्रेकफाष्टले ताराको सट्टा गोलाकार रेखाभित्र रातो रङ्गमा बी एण्ड बी लेखिएको चिन्ह राख्ने,
-होटल एसोसियसन नेपाल वा होटल व्यवसायीहरूको साझा संस्थाका सदस्य रहेका होटलररिसोर्टले उक्त संस्थाको प्रतीक चिन्ह समेत राख्न सक्ने।
-यस्तो प्रतीक चिन्ह राख्नुपर्दा नेपालको निशाना छापको एक चौथाइ कम आकारमा रहने गरी होटलररिसोर्टको नाम लेखिएको स्थानबाट दायाँतर्फ राख्नुपर्ने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
