अवहेलना मुद्दामा लिखित जवाफसहित सर्वोच्च पुगे चार पूर्वप्रधानन्यायाधीश

राजनीति

नेपाल लाइभ सोमबार, फागुन ३, २०७७ १२:२४

काठमाडौं- अदालतको अवहेलना मुद्दामा सर्वाेच्च अदालतका चार पूर्वप्रधानन्यायाधीश लिखित जवाफसहित अदालतमा हाजिर भएका छन्।

पूर्वप्रधानन्यायाधीश मिनबहादुर रायमाझी, अनुपराज शर्मा, कल्याण श्रेष्ठ र सुशीला कार्की अदालत पुगेका हुन्। माघ १५ गते न्यायाधीश मनोजकुमार शर्माको एकल इजलासले लिखित जवाफसहित ७ दिनभित्र अदालतमा उपस्थित हुन भनेको थियो।

सोही अनुसार उनीहरू अदालतमा उपस्थित भएर अदालतको अवहेलना मुद्दामा जवाफ दिएका हुन्। शर्माले एकल जवाफ बुझाएका छन् भने रायमाझी, श्रेष्ठ र कार्कीले संयुक्त जवाफ पेश गरेका छन्।

सर्वोच्च अदालतका रजिष्ट्रार नारायणप्रसाद पन्थीलाई लिखित जवाफ दिँदै उनीहरूले अदालतको अवहेलना नगरेको दाबी गरेका छन्। उनीहरूले संविधानले दिएको अधिकार प्रयोग गर्दै आफ्ना अभिव्यक्ति दिएको बताएका छन्। साथै, अदालतको अवहलेनामा आफूहरू सचेत रहेको र आफूहरूबााट त्यस्तो कार्य नहुने बताएका छन्।

प्रतिनिधि सभा विघटनविरुद्धको मुद्दामा सर्वोच्च अदालतको संवैधानिक इजलासमा सुनुवाइ चलिरहेको बेला उनीहरूले संयुक्त विज्ञप्ति जारी गरेका थिए। उनीहरूको यो कामले अदालतको अवहेलना भएको भन्दै रिट दायर भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन