काठमाडौं- बैतडीको दोगडाकेदार गाउँपालिका–७ चडेपानीकी १७ वर्षीया भागरथी भट्ट हत्या अनुसन्धानबारे बुझ्न सुदूरपश्चिम प्रदेश प्रहरी कार्यालयका डिआइजी उत्तमराज सुवेदी पनि घटनास्थलतर्फ लागेका छन्।
आइतबार बिहान डिआइजी सुवेदी घटनास्थलतर्फ गएका हुन्। यसअघि सुदूरपश्चिम प्रदेश प्रहरी कार्यालयबाट एसएसपी जनकराज पोण्डेको टोली हत्याको अनुसन्धानका लागि बैतडी गइसकेको छ।
गत बुधबार विद्यालय गएकी भट्ट त्यसदिन घर फर्केकी थिइनन्। भोलिपल्ट बिहीबार उनको शव लवलेक जंगलको वनमारा झाडीमा भेटिएको थियो।
त्यसपछि जिल्लाका डिएसपी, सिडिओ, सरकारी वकिल, डाक्टरसहितको टोली घटनास्थल पुगेर अनुसन्धान सुरु गरेका थिए। अहिलेसम्म हत्यामा संलग्न व्यक्तिको पहिचान हुन सकेको छैन।
भागरथीको बलात्कारपछि हत्या भएको आशंका गरिए पनि पोष्टमार्टम रिपोर्ट आइनसकेकाले केही भन्न नमिल्ने सुदूरपश्चिम प्रदेश प्रहरी कार्यालयका एसएसपी मुकेश सिंहले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769487479.png)
-1764146706.png)
