काठमाडौं- यदि तपाईं कोरियन ड्रामा र कोरियन पप गीतको फ्यान हुनुहुन्छ भने के–पपको बारेमा पक्कै थाहा छ। के–पपको बारेमा रूचि राख्नेलाई ब्ल्याकपिङ्कको बारेमा थाहा नहुने पनि कुरै भएन। त्यहि भएर त नेपालमा समेत कोरियन युवतीहरूको म्युजिक ग्रुप ब्ल्याकपिङ्कका फ्यानहरू टन्नै छन्। उनिहरूका गीत नेपालको युट्युब ट्रेन्डिङमा पनि परिरहन्छन्। ४ जना सुन्दरीहरूको म्युजिक ग्रुपले निकै रेकर्डहरू पनि तोडिसकेको छ। उनिहरूको बारेमा केही रोचक कुरा छन्। जुन तपाईंलाई थाहा नहुन पनि सक्छ।
ब्ल्याकपिङ्कलाई यो समूहले सुन्दरता मात्रै सबैकुरा हैन भनेर व्याख्या गर्ने गरेका छन्। जिसो, जेन्नी, रोज र लिजाको यो समूहलाई उनका फ्यानहरूले ब्लिंक भनेर बोलाउँछन्। विश्वका निकै चर्चित सेलिब्रेटीहरूले समेत यी ४ जना सुन्दरीहरूसँग काम गरेका छन् र उनीहरू यो समूहका फ्यान पनि हुन्।
म्युजिक समूहहरूमा सबैभन्दा धेरै सब्स्क्राइबर समेत ब्याल्कपिङ्ककै छ। ब्याल्कपिङ्कले आफ्नो म्युजिक डेब्यु सन् २०१६ मा गरेको हो। स्वाएर वान नामको सोलो एल्बमबाट यो ग्रुप सुरु भएको हो। जसमा दुइओटा गीतहरु थिए। यो गीतबाटै विभिन्न अर्वाड र पुरस्कार जित्न समूह सफल भयो। त्यस्तै, पहिलो एल्बमबाटै यो ग्रुप के–पपमा केटीहरूको पहिलो समूह बन्यो जो, टप बिलबोर्डस् एमेजाइन् आर्टिस्ट चार्टमा प्रवेश गर्न सफल भयो।
कस्ता छन् त, ब्याल्कपिङ्कका सुन्दरीहरू ?
जिसो
ब्याल्कपिङ्कको पहिलो नम्बरमा पर्छिन् जिसो। उनको पुरा नाम किम जिसो हो। साउथ कोरियामा जन्मिएकी जिसो अहिले २५ वर्षकी भइन्। उनी बयाल्कपिङ्ककी लिडर हुन् र यो समूहको पहिलो सदस्य पनि। ड्रम र पियानोको विशेषज्ञ जिसोलाई तीनओटा भाषा आउँछ। जापानिज, कोरियन र चाइनिज्। तर, उनलाई अंग्रेजी बोल्न भने आउँदैन। त्यही कारण उनि बेलाबखत निराश हुने गर्छिन्। अंग्रेजी बोल्न मात्रै नआउने हो जिसोलाई, अरुले बोलेको भने मज्जासँग बुझ्न सक्छिन्।
उनी स्कुलमा हुँदा सुन्दरता र दयालु स्वभावका कारण चर्चित थिइन्। उनी कँरातेमा ब्ल्याक बेल्ट होल्डर पनि हुन्। उनलाई ब्याल्कपिङ्कको मुडमेकर पनि भन्छन्।
जेन्नी
दोस्रो नम्बरमा परेकी जेन्नीको पुरा नाम किम जेन्नी हो। अहिले २४ वर्षमा कुदिरहेकी यी सुन्दरीको जन्म पनि साउथ कोरियामै भएको हो। उननी समूहकी मुख्य भोकलिष्ट र मेन र्यापर हुन्। र्याप, भोकल, डान्स र अभिनय मात्रै हैन, उनलाई पियानो पनि राम्रोसँग बजाउन आउँछ। जेन्नीलाई पनि तीनओटा भाषा आउँछ। जसमा कोरियन, जापानिज र अंग्रेजी रहेको छ। जेन्नीलाई सबेले गुचीकी माान्छे अर्थात ह्युमन गुची भन्छन्। किनभने उनी गुचीका महंगा कपडा, जुत्ता र झोला बोक्छिन्। जेन्नीलाई खाना पकाउन पनि रमाइलो लाग्छ। फुर्सदको समयमा उनी मीठो खाना पकाएर अरुलाई खुवाउन रुचाउँछिन्।
लिजा
समूहको तेस्रो सदस्य हुन् लिजा। उनको पुरा नाम भने लालिजा मानोवेन हो। उनी अहिले २३ वर्षकी भइन्। उनी थाइल्याण्डमा जन्मिएकी हुन्। समूहमा सबैभन्दा चर्चित र कान्छी सदस्य हुन् लिजा। उनी समूहमा लिड र्यापर, सबभोकलिष्ट र मेन डान्सर हुन्। समूहमा सबैभन्दा राम्रो नाच्ने लिजा गितार र पियानो पनि राम्रो बजाउँछिन्।
लिजा शुरूआती दिनमा थाइल्याण्डमै बस्थिन्। तर, जब उनी वाइजी इन्टरटेटमेन्टको छनोटमा परिन्, यसैका लागि साउथ कोरिया आउनुपर्यो। त्यो समयमा कोरियन भाषा नआएकाले उनले निकै सास्ती भोग्नुपरेको थियो। तर, अहिले भने उनी ४ ओटा भाषा बोल्न सक्छिन्। जसमा उनको मातृभाषा थाइ, कोरियन, जापानिज र अंग्रेजी। लिजालाई गीत/संगितका अलवा मेकअप गर्न निकै मनपर्छ।
रोज
समूहको चौंथो तथा अन्तिम सदस्य हुन् रोज। रोजको पुरा नाम पार्क छयाङ् हो। यसलाई अंग्रेजी अर्थमा भन्दा रोजन् पार्क बन्छ। त्यसैबाट उनले आफ्नो स्टेज नाम रोज राखिन्। उनी अहिले २३ वर्षकी भइन्। साउथ कोरियामा जन्मिएकी रोजको समूहमा मुख्य काम मेन भोकलिष्ट र लिड डान्सरको छ। रोजलाई पनि तीनओटा भाषा बोल्न आउँछ। कोरियन, जापानिज र अंग्रेजी। रोज पनि पियानो र गितार बजाउँन सक्छिन्। यसको अलवा उनलाई चित्र बनाउन र साइकल कुदाउन पनि खुबै मनपर्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
