फाइल तस्बिर।
काठमाडौं- नेपाल कम्युनिष्ट पार्टी (नेकपा)का अध्यक्षद्वय (प्रचण्ड–माधव पक्ष) पुष्पकमल दाहाल ‘प्रचण्ड’ र माधवकुमार नेपाल आज माइतीघरको धर्नामा सहभागी हुने भएका छन्।
प्रतिनिधि सभा विघटनविरुद्ध आन्दोलनरत प्रचण्ड–माधव पक्षले बुधबारदेखि माइतीघर मण्डलमा जारी राखेको साताव्यापी धर्नामा आज प्रचण्ड र नेपाल पनि सहभागी हुन लागेका हुन्।
उनीहरू दिउँसो १२ बजे धर्नामा सहभागी हुने केन्द्रीय सदस्य विष्णु रिजालले नेपाल लाइभलाई बताए। धर्नामा विघटित प्रतिनिधि सभाका सदस्यसँगै राष्ट्रिय सभा, प्रदेश सभा र संविधान सभाका सदस्यहरू सहभागी हुँदै आएका छन्।
यो समूहले शनिबार धनगढी, शुक्रबार विराटनगर र बिहीबार बुटवलमा जनप्रदर्शन गरेको थियो। जसलाई प्रचण्ड र नेपालले सम्बोधन गरेका थिए। २८ गते काठमाडौंमा ‘विशाल जनसभा’को तयारी गरेको यो समूहले यसअघि माघ ९ गते पनि काठमाडौंमा प्रदर्शन र सभा गरेको थियो।
प्रधानमन्त्री केपी शर्मा ओलीको सिफारिसमा पुस ५ गते राष्ट्रपतिले प्रतिनिधि सभा विघटन गरेपछि नेकपाको प्रचण्ड–माधव पक्ष आन्दोलित भएको छ। प्रतिनिधि सभा विघटनविरुद्धको मुद्दा सर्वोच्च अदालतमा विचाराधीन छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766204695.gif)
-1764146706.png)
-1763721444.png)
