फाइल तस्बिर।
काठमाडौं- कांग्रेस नेता कृष्णप्रसाद सिटौलाले प्रतिनिधि सभा विघटन गर्ने प्रधानमन्त्री केपी शर्मा ओलीको कदमलाई मुर्ख्याइँको संज्ञा दिँदै त्यसकै कारण व्यवस्था अन्त्य नहोस् भन्ने धारणा व्यक्त गरेका छन्।
शुक्रबार काठमाडौंमा आयोजित विरोध सभामा सम्बोधन गर्दै सिटौलाले ओलीको कदम नेपाललाई नै कमजोर बनाउने खेलको गम्भीर षडयन्त्र भएको बताए।
‘त्यसबेला आन्दोलनले भन्दा पनि राजाको मुर्ख्याइँको कारणले राजतन्त्र अन्त्य भयो’, सिटौलाले भने, 'त्यसैले प्रधानमन्त्री केपी शर्मा ओलीजीलाई भन्न चाहन्छु- तपाईंको मुर्ख्याइँले व्यवस्था अन्त्यतिर नजाओस्। लोकतन्त्र अन्त्यतिर नजाओस्। जनताको अधिकार अन्त्य हुने बाटोतिर नजाओस्। तपाईंमा सद्बुद्धि आओस्।’
उनले ओलीले गल्ती गरेको भन्दै त्यसलाई स्वीकार गर्न आग्रह गरे। ‘तपाईंहरूमा भाषामा झन् सजिलो छ, आत्मालोचना गरे पुग्छ। सार्वजनिक मञ्चबाट भनिदिए हुन्छ। संसद् ब्युँताइदिए हुन्छ’, सिटाैलाले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
