काठमाडौं- जनता समाजवादी पार्टीले प्रतिनिधि सभा विघटन विरुद्ध नयाँ चरणको कार्यक्रम तय गरेको छ। पार्टीको शुक्रबार बसेको पदाधिकारी बैठकले माघ २३ देखि २९ सम्मका कार्यक्रम तय गरेको हो।
बैठकले प्रतिगमनविरोधी संघर्ष र पार्टी समायोजन कार्यक्रम सँगसँगै लैजाने गरी कार्यक्रम तय गरेको सो पार्टीका संघीय परिषद् अध्यक्ष डा. बाबुराम भट्टराईले ट्विटरमार्फत् जानकारी दिएका छन्।
उनका अनुसार, माघ २३ मा जिल्ला, माघ २५ मा संघीय र प्रदेश निर्वाचन क्षेत्र, माघ २७ मा महानगरपालिका /उमपहानगरपालिका/नगरपालिका/गाउँपालिका र माघ २९ मा वडा तहमा समायोजन सँगसँगै पुत्लादहन/मसाल जुलुस लगायत कार्यक्रम गरिने छ।
यसअघि जसपाले पुस १० देखि १२ सम्म पहिलो चरणको र २५ देखि माघ ७ गतेसम्म दोस्रो चरणको आन्दोलन गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
