काठमाडौं- वरिष्ठ अधिवक्ता रमण श्रेष्ठले बहसका लागि पाँच घण्टा मागेपछि प्रधानन्यायाधीश चोलेन्द्र शमशेर जबराले एक घण्टामा बहस सक्न भनेका छन्। प्रतिनिधि सभा विघटन विरुद्धको मुद्दामा बहस गरिरहेका श्रेष्ठले बहसका लागि पाँच घण्टा समय मागेका थिए।
‘विषयमा बोल्दै जान्छु दोहोरिन थाले रोक्नुस्। म अन्तिममा बहस गर्न आएको हुँ, समय दिनु पर्छ’, वरिष्ठ अधिवक्ता श्रेष्ठले भने। त्यसपछि प्रधानन्यायाधीश जबराले पटक–पटक भन्दा अप्रिय लाग्ने भन्दै बढीमा एक घण्टा लिन भने।
‘तपाईं एक घण्टा लिनुस्। पाँच घण्टा त सकिँदैन। यो बहस हाम्रो नियन्त्रण भन्दा बाहिर जान्छ। एक घण्टा हुन्छ भने बोल्नुस् नत्र हुँदैन’, प्रधानन्यायाधीश राणाले भने, ‘म इजलासको लिडर हुँ। एक घण्टा भन्दा दिन सक्दिनँ।’
त्यसपछि बहस सुरु गरेका श्रेष्ठले प्रतिनिधि सभा विघटन गर्दा मन्त्रिपरिषद्ले गरेको सिफारिस शंकास्पद रहेको बताए।
प्रधानमन्त्रीले सिफारिसलाई ‘ब्याक डेट’मा प्रमाणिकरण गरेको उनले बताए। पुस ५ को सिफारिसलाई पुस २० मा मुख्यसचिव शंकरदास वैरागीले प्रमाणिकरण गरेका थिए।
सिफारिसको तथ्य उल्लेख गर्दै उक्त दिनको सिफारिस हेर्न अनुरोध गर्दै श्रेष्ठले भने, ‘प्रधानमन्त्रीले सिफारिसको पत्रको माथिल्लो स्थानमा हेरौं के प्रमाणित गरिएको छ। प्रमको सिफारिस मन्त्रिपरिषदले प्रमाणित कसरी गर्यो ?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
