काठमाडौं- औपचारिक रूपमा विभाजित हुन बाँकी रहेको नेकपालाई एक बनाउने उद्देश्यसहित उपाध्यक्ष वामदेव गौतमले बुधबार राष्ट्रिय एकताको अभियान घोषणा गरेका छन्।
पार्टी पुनर्एकीकरणको योजना अहिलेका लागि दुई चरणको हुने उनको अवधारणा पत्रमा उल्लेख छ। पहिलो चरण, सर्वोच्च अदालतको निर्णय नआउँदासम्मको र दोस्रो चरण, सर्वोच्च अदालतको निर्णय आएपछि भनिएको छ।
यी दुवै चरणमा एकीकरणका विभिन्न विकल्पहरुमा छलफल गरिने गौतमले बताएका छन्।
प्रतिनिधि सभा पुनर्स्थापना भएमा वा निर्वाचन भएमा दुवै अवस्थामा भिन्न–भिन्न केन्द्रअन्तर्गत पार्टी सञ्चालन र कार्यगत एकताको आधारमा निर्वाचनमा सामेल हुने, सरकार संचालन गर्ने अवसर प्राप्त भएमा संयुक्त सरकार संचालन गर्ने प्रक्रिया अवलम्बन गरिने उल्लेख छ।
यसलाई व्यवस्थित गर्न बराबर संख्याका समन्वय समितिहरु विभिन्न तहमा निर्माण गरिने गौतमले उल्लेख गरेका छन्। प्रतिनिधि सभा पुनर्स्थापना पछि पनि पार्टी एकीकरण हुन नसकेमा एकता अभियान निर्वाचन काल र त्यसपछि पनि निरन्तर जारी बताइएको छ।
‘फरक–फरक नाममा विधिवत् आ–आफ्ना पार्टी सञ्चालन गरिएको अवस्थामा पनि मित्रतापूर्ण सम्बन्ध कायम राख्दै पार्टी एकीकरणका निम्ति अथक प्रयत्न गरिनेछ। तब पनि पार्टी एकीकरण हुन सकेन भने एकता राष्ट्रिय अभियान केन्द्रीय समितिको बैठकबाट कसरी अगाडि बढ्ने भन्ने सम्बन्धमा आवश्यक निर्णय गरिनेछ’, अवधारणापत्रमा भनिएको छ।
यस्तो छ अवधारणापत्रः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
