काठमाडौं–‘घुमौं पूर्व पुर्व प्रदेश नम्वर १’ भन्ने मुख्य नारासहित १ नम्बर प्रदेशका पर्यटन व्यवसायी र नेपाल पर्यटन बोर्डसहितको १३ सदस्यीय टोलीले जनकपुरबाट आन्तरिक पर्यटन पुनरूत्थान एवं प्रवर्द्धन सुरु गरेको छ।
नेपाल पर्यटन बोर्डको प्रवर्द्धन तथा नेपाल एशोसिएसन टुर एण्ड ट्राभल एजेण्टस् (नाटा) १ नम्बर प्रदेश तथा होटल संघ नेपाल पूर्व शाखाको संयोजकत्वमा विटुविका लागि टोलीले जनकपुर, चितवन,पोखरा, लुम्बिनी र पाल्पाका पर्यटन व्यवसायीबीच छलफल गर्ने छ।
बोर्डका कार्यकारी प्रमुख डा. धनञ्जय रेग्मीले अन्तर्राष्ट्रिय पर्यटन बजारमा प्रचलित व्यवसायीबीचको व्यवसाय प्रवद्र्धन गरिने छलफल ‘बिटुबी’लाई नेपाली मोडेलमा प्रदेश तहमा व्यापक बनाउने उद्देश्यले अभियान थालिएको बताए।
आन्तरिक पर्यटक वृद्धि गर्न विभिन्न ठाउँका धार्मिक एवम् पर्यटकीय क्षेत्रको विकास, प्रवर्द्धन र प्रचार प्रसारकालागि के-कस्ता उपाय अघि सार्न सकिन्छ भन्ने विषयमा सम्वद्ध व्यवसायीबीच छलफल गरिनेछन्। यस अभियानअन्तर्गत व्यवसायीबीच सहकार्य गराई आन्तरिक पर्यटन प्रवर्द्धनबाट पर्यटनले गति लिने अपेक्षा गरिएको छ।
टोलीमा नेपाल पर्यटन बोर्डका अधिकृत प्रेमप्रसाद भट्टराई, आन्तरिक पर्यटन पुनरूत्थान एवं प्रवर्द्धन अभियानका संयोजक भविशकुमार श्रेष्ठ, नाटा प्रदेश १ का अध्यक्ष उदयकुमार श्रेष्ठ, अभियानका सहसंयोजक वासुदेव बराल, विराटनगरका होटल व्यवसायी राजन श्रेष्ठ, नाटाका महासचिव नविन खरेल, मेची उद्योग वाणिज्य संघका अध्यक्ष ऋषि तिम्सिना, नाटाका प्रदेश सदस्य ज्ञानमणि नेपाल, ईटहरीका होटल व्यवसायी जीवन पराजुली लगायतको सहभागिता रहेको छ । बिटुबी कार्यक्रम जनकपुर, चितवन, पोखरा र पाल्पामा हुँदै माघ १५ मा लुम्बिनीमा सम्पन्न हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।