म्यानपावरलाई हातमा पैसा नथमाऔँ, बैंक खातामा जम्मा गरौँ : विभाग

श्रम-रोजगार

नेपाल लाइभ बुधबार, पुस २२, २०७७ २२:२५

काठमाडौं- वैदेशिक राेजगार विभागले राेजगारीकाे खाेजीमा विदेशिने युवाहरुलाई म्यानपावर कम्पनीलाई बुझाउने सेवाशुल्क रकम बैंक खातामा जम्मा गर्न आग्रह गरेको छ। लागत रकम सम्वन्धित म्यानपावर कम्पनीको बैंक खातामा मात्र जम्मा गरी त्यसको भौचर सुरक्षित राख्नसमेत विभागले आग्रह गरेकाे हाे।

पछिल्लो समय वैदेशिक राेजगारीमा जाने युवाहरूसँग म्यानपावरले ताेकिएकाे लागत रकमभन्दा कयौं गुणा बढी रकम असुल्ने तर १० हजारकाे भर्पाई थमाउने प्रवृति बढेको भन्दै विभागले सचेत गराएको हो।

भनेजस्तो काम तथा पारिश्रमिक नभएर तथा ठगिएर फर्कनु पर्‍यो भने म्यानपावरलाई रकम बुझाएको प्रमाण नहुँदा न्याय पाउन कठिन भइरहेकाे छ।जसकारण समयमै सचेत भई लागत रकम म्यानपावरकाे बैंक खातामा जम्मा गर्न विभागले सूचना जारी गर्दै आग्रह गरेको हाे।

त्यस्तै अन्तर्वार्तामा छनाेट भएपछि मात्रै सम्बन्धित म्यानपावर कम्पनीलाई सक्कल राहदानी (पासपोर्ट)लगायतका आवश्यक कागजात बुझाउनसमेत विभागको आग्रह छ।

कसैले 'म्यानपावर कम्पनीमा आबद्ध छु' भनेमा वैदेशिक रोजगार विभागको वेबसाइटमा गएर आधिकारिकता जाँँच्न पनि विभागले जारी गरेको विज्ञप्तिमा उल्लेख छ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ४८ घण्टामा ९० जनाभन्दा बढीको मृत्यु

राप्रपाको आन्दोलनका कारण शिक्षकहरूको भोलिको प्रदर्शन बिहानलाई सारियो

जनशक्ति सामुदायिक वनमा पाटेबाघ मृत फेला