एजेन्सी–साउदी अरबले आफ्नो देशका ४ नयाँ क्षेत्रमा तेल र ग्याँसको भण्डारण फेला परेको जनाएको छ। साउदी अरबका ऊर्जामन्त्री अब्दुल अजीज बिन सलमानले तेल र ग्याँसका ४ नयाँ क्षेत्रको खोजी भएको जनाएका हुन्।
साउदी अरबको उत्तर–पश्चिम धाहरनको अल–रीश क्षेत्रमा तेलको भण्डारण फेला परेको हो। पूर्वीप्रान्तको यो सहर साउदी अरबकै तेल उद्योगको प्रमुख प्रशासनिक केन्द्र हो।
अल–रीशको २ नम्बर भण्डारणबाट दैनिक ४ हजार ४ सय ५२ ब्यारेल कच्च चेल र ३२ लाख स्टयाण्डर्ड क्युबिक फिट प्राकृतिक ग्यास उत्पादन हुने जनाइएको छ। यस्तै, ४ नम्बर भण्डारणबाट दैनिक ३ हजार ६ सय ५४ ब्यारेल कच्चा तेल र १६ लाख स्ट्याण्डर्ड क्युबिक फिट ग्यास र ३ नम्बर भण्डारणबाट दैनिक २ हजार ७ सय ४५ ब्यारेल कच्चा तेल र ३० लाख स्ट्याण्डर्ड क्युबिक फिट ग्यास उत्पादन हुने जनाइएको छ।
मन्त्री सलमानले अल–रीश क्षेत्र तेल उत्पादनमा महत्वपूर्ण हुने जनाएका छन्। यस्तै, साउदी अरबले अल–अजरामियाहमा पनि तेलको खोजी गरिएको जनाएको छ। दैनिक ३ हजार ८ सय ५० ब्यारेल तेल उत्पादन हुने यो क्षेत्र रफहा सहरभन्दा उत्तरपश्चिममा रहेको बताइएको छ। नयाँ तेल भण्डारण क्षेत्रको थप अध्ययन भइरहेको मन्त्री सलमानले जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
