विशिष्ट श्रेणीका कर्मचारीका लागि सवारी साधन खरिद गर्दै सरकार

अर्थ समाचार

नेपाल लाइभ शुक्रबार, मंसिर २६, २०७७ १६:४६

काठमाडौं- सरकारले विशिष्ट र अति विशिष्ट श्रेणीका कर्मचारीका लागि सवारी साधन खरिद गर्न महालेखा नियन्त्रकको संयोजकत्वमा ९ सदस्यीय समिति गठन गरेको छ।

मंसिर २२ गते मुख्यसचिव शंकरदास बैरागीको अध्यक्षतामा बसेको बैठकको निर्णयअनुसार सबै मन्त्रालय र मातहतका कार्यालयमा आवश्यक मालसामान तथा सवारी खरिद र लिलाम बिक्री प्रक्रिया सुरु गर्नका लागि प्रधानमन्त्री तथा मन्त्रिपरिषदको कार्यालयबाट पत्राचार भएको छ।

‘मालसामानको खरिद तथा लिलामलाई व्यवस्थित, प्रभावकारी एवं गुणस्तरीय बनाउन तथा अति विशिष्ट एवं विशिष्ट पदाधिकारीको सवारी साधनलगायत मुख्य सामग्रीको आपूर्ति व्यवस्थापन र सहजीकरण गर्न आवस्यक देखिएको सरकारी खरिद सेवा कार्यालयको विवरण, संगठन संरचनालगायतका विषयमा १५ दिनभित्र सुझाव दिन महालेखा नियन्त्रकको संयोजकत्वमा ९ सदस्यीय समिति गठन गरिएको छ।’ प्रधानमन्त्री तथा मन्त्रिपरिषद्को‍ कार्यालयले सबै मन्त्रालय र मातहतका कार्यालयलाई गरिएको पत्रिपत्रमा भनिएको छ।

उक्त पत्रअनुसार सबै मन्त्रालय तथा निकायहरुले आफ्नो र आफूअन्तर्गतको सवारी साधनलगायत सरकारी सम्पत्तिको विवरण महालेखा नियन्त्रकको कार्यालयको सार्वजनिक सम्पत्ति व्यवस्थापन प्रणाली (पिएएमएस) मा पुस १५ गतेभित्र पेस गरिसक्न भनेको छ।

सरकारी सवारी साधनको प्रयोगलाई व्यवस्थित गर्न यस्तो पत्राचार गरिएको पनि प्रधानमन्त्री तथा मन्त्री परिषदको कार्यालयले जनाएको छ। पत्रअनुसार चारपांग्रे सवारी साधन तथा तिनका प्रयोगकर्ताको पूर्ण अद्यावधिक विवरण तीन दिनभित्र प्रधानमन्त्री तथा मन्त्रिपरिषदको कार्यलयमा पठाइसक्नुपर्नेछ।

त्यस्तै लिलाम बिक्री गर्नुपर्ने सवारी साधनको लिलाम बिक्री प्रक्रिया तत्काल अघि बढाई तीन महिनाभित्र सम्पन्न गरिसक्न पनि निर्देशन दिइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिठी आदानप्रदान हुन छाडेपछि गोरखाका २१ अतिरिक्त हुलाक कार्यालय बन्द

भीमफेदी डढेलोमा जलेर एक जनाको मृत्यु

हैदराबादविरुद्ध कोलकाताको बलियो योगफल