वैदेशिक रोजगार फोरम स्थापना गर्ने महासंघको तयारी

अर्थ समाचार

नेपाल लाइभ बिहीबार, मंसिर २५, २०७७ १४:००

काठमाडौं- नेपाल उद्योग वाणिज्य महासंघले वैदेशिक रोजगार फोरम स्थापना गर्ने भएको छ। महासंघका अध्यक्ष शेखर गोल्छाले वैदेशिक रोजगार व्यवसायीका समस्या समाधान गर्न महासंघभित्र वैदेशिक रोजगार फोरम स्थापना गरिने बताएका हुन्।

नेपाल वैदेशिक रोजगार व्यवसायी संघले महासंघका नवनिर्वाचित पदाधिकारीहरूलाई बधाई एवम् शुभकामना दिन आयोजना गरेको कार्यक्रममा बोल्दै अध्यक्ष गोल्छाले यस्तो बताएका हुन्। महासंघभित्र स्थापना हुने फोरमले वैदेशिक रोजगार व्यवसायीका समस्या समाधान गर्न सबै व्यवसायीसँग सहकार्य गर्ने बताए।

देशमा रेमिट्यान्स भित्र्याई अर्थतन्त्रलाई जोगाउन महत्वपूर्ण भूमिका खेल्ने वैदेशिक रोजगार व्यवसायीलाई थप सम्मानित र व्यवस्थित बनाउन आफूले महासंघबाट प्राथमिकताका साथ काम गर्ने पनि अध्यक्ष गोल्छाले उल्लेख गरे।

महासंघका वरिष्ठ उपाध्यक्ष चन्द्रप्रसाद ढकालले वैदेशिक व्यवसायीका समस्या समाधान गर्न आफू विगतदेखि नै लागि परेको उनको भनाइ छ। देशमा रेमिट्यान्स भित्र्याउन योगदान गर्ने व्यवसायीहरुका समस्या समाधान गर्ने विषयमा सँधै पक्षमा रहेर वकालत गरेको पनि ढकालले बताए।

अब पनि महासंघमा बसेर वैदेशिक रोजगार क्षेत्रलाई थप मर्यादित बनाउन भूमिका खेल्ने बताए। कार्यक्रममा वैदेशिक रोजगार व्यवसायीहरुले आफूहरुमाथि राज्यले हेर्ने दृष्टिकोणमा नै परिवर्तन हुनुपर्ने बताएका छन्। त्यसमा महासंघको साथ आवश्यक रहेको पनि व्यवासयीहरुले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिठी आदानप्रदान हुन छाडेपछि गोरखाका २१ अतिरिक्त हुलाक कार्यालय बन्द

भीमफेदी डढेलोमा जलेर एक जनाको मृत्यु

हैदराबादविरुद्ध कोलकाताको बलियो योगफल