काठमाडौं- राष्ट्रिय ध्वजाबाहक नेपाल एयरलाइन्सका वाई–१२ विमान उडान गर्ने पाइलट केबी लिम्बुको उडान प्रतिबन्ध फुकुवा भएको छ। सर्वोच्च अदालतले सोमबार अन्तिम फैसला गर्दै पाइलट लिम्बुलाई लगाएको उडान प्रतिबन्ध फुकुवा गर्ने आदेश दिएको हो।
न्यायाधीश आन्नदमोहन भट्टराई र सुस्मालता माथेमाको संयुक्त इजलासले लिम्बुको उडान प्रतिबन्ध लगाउने नेपाल नागरिक उड्डयन प्राधिकरणको निर्णय बदर गरिदिएको हो।
पाइलट लिम्बूले नेपालगञ्ज विमानस्थलमा वाई–१२ जहाज अवतरणको क्रममा लापरबाही गरेको ठहर गर्दै प्राधिकरणले उडानमा प्रतिबन्ध लगाउने गरी निर्णय गरेको हो।
प्राधिकरणले लिम्बुलाई एक वर्ष ग्राउन्डेड (सबै उडान प्रक्रियामा प्रतिबन्ध) र थप एक वर्ष भने पाइलटको भूमिकामा उडान गर्न नपाउने गरी को–पाइलटको भूमिकामा मात्रै उडान गर्न पाउनेगरी प्रतिबन्ध लगाइएको थियो। प्राधिकरणको निर्णयविरुद्ध पाइलट लिम्बु अदालत गएका थिए।
प्राधिकरणले उडानमा प्रतिबन्ध लगाउने निर्णय गरेसँगै नेपाल एयरलाइन्सले पनि करार भंग गर्दै हिसाब किताबको लागि सूचना समेत प्रकाशित गरेको थियो।
पाइलट लिम्बूको कमान्डमा कोरोना परीक्षणका लागि संकलित स्वाब लिन गएका बेला नेपालगञ्ज विमानस्थलमा चैत १५ गते दुर्घटना भएको थियो। जहाज अवतरणका बेला लापरबाही गर्दै जहाज रन–वेबाट चिप्लिएर घासे मैदानमा पुगको थियो। जहाज दुर्घटनामा मानवीय क्षति नभएपनि जहाज पूर्ण रुपमा क्षति भएको छ। दुर्घटना भएको जहाज अहिले पनि नेपालगञ्ज विमानस्थलमै रहेका छ। उक्त जहाज उडान गर्ने नमिल्ने घोषण गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
