कविता : रंगीन कात्रोका टाटाहरु

स्पोर्टस लाइभ

नेपाल लाइभ शुक्रबार, वैशाख २१, २०७५ ०९:४२

रंगीन वस्त्रभित्र छोपिएका रक्ताम्य आला टाटाहरु
अनि निको हुन नसकेका पुराना घाउका खाटाहरु
असह्य पीडामै पनि जबर्जस्ती मुस्काएका ओठहरु
आखिर कहिलेसम्म?
आखिर कहिलेसम्म??

सुरक्षाको चौघेराभित्रै मौलाएको आतंक र अत्याचार
हक अधिकारको सेरोफेरोमा भइरहेको व्यभिचार
नैतिक आदर्शका नाममा घोचिएका वचनवाणका प्रहार
आखिर कहिलेसम्म?
आखिर कहिलेसम्म??

झलक्क हेर्दा सलक्क,टलक्क अनि ढकमक्क
नियाली हेरे अस्तव्यस्त, छरपस्ट अनि विभत्स
शान्ति! शान्ति!! शान्ति!!! श्मसान घाटझैं मुर्दाशान्ति
आखिर कहिलेसम्म?
आखिर कहिलेसम्म??

सहनशीलता हो कि कायरता?
जिन्दगी हो कि बाध्यता??
बाँचेको हो कि केवल श्वास चलेको?
रंगीन कात्रोमा बेरिएको, आला घाउका टाटाहरु
अनि पुराना घाउका खाटाहरु
आखिर कहिलेसम्म?
आखिर कहिलेसम्म ??

जबर्जस्ती मुस्कुराएका ओठहरु,
सकीनसकी छोपिएका चोटहरु
आखिर कहिलेसम्म?
आखिर कहिलेसम्म??

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गोर्खा मिडियाको प्रवन्ध निर्देशक हुनुअघि नै रवि आर्थिक कारोबारमा संलग्न थिए : सर्वोच्च अदालत

रवि लामिछानेलाई थुनामा राख्ने आदेश सर्वोच्चबाट सदर

एक वर्षे कर्जाको ब्याजदर एकल उच्च वा न्यून दोहोरो अंक कायम हुने