एजेन्सी–भारतको जम्मू–काश्मीरकी पूर्व मुख्यमन्त्री एवं पिडिपी अध्यक्ष महबूबा मुफ्तीलाई १४ महिनापछि प्रशासनले रिहा गरेको छ। जम्मू–कश्मीर प्रशासनका प्रवक्ता रोहित कंसलले पिडिपी अध्यक्ष मुफ्तीलाई प्रशासनले रिहा गरेको जनाएका हुन्।
रिहा भएपछि सानो वक्तव्य जारी गर्दै उनले ५ अगष्ट २०१९ कालो दिनको रुपमा आफूले लिएको जनाएकी छन्। उनले त्यस दिनको बेइज्जती कहिल्यै नभुल्ने उल्लेख गर्दै उनले अब त्यस दिन गैरसंवैधानिक, गैरलोकतान्त्रिक, गैरकानुनी तरिकाले दिल्ली दरबारले कब्जा गरेको कश्मीरलाई फेरि फिर्ता दिनुपर्ने बताइन्।
उनले जम्मू कश्मीरको समस्या समाधानका लागि हजारौं मानिसले ज्यान दिएकाले यो संघर्षलाई जारी राख्ने बताएकी छन्। उनले देशका विभिन्न भागमा हिरासतमा राखिएका जम्मूकश्मीरका नागरिकको रिहाइका लागि पनि माग गरेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
