कोहलपुर- बाँकेको कोहलपुरमा आयोजना गरिएको घुम्ती साहित्य महोत्सवमा उपन्यास 'काठमाडौंमा एक दिन'की लेखिका शिवानी सिंह थारुदेखि पत्रकार हरिबहादुर थापासहित आधा दर्जन लेखकसँग अन्तर्क्रिया गरिएको छ। उनीहरुका कुरा सुन्न नेपालगन्जबाट १६ किलोमिटरभन्दा लामो दुरी छिचोल्दै दर्शक तथा स्रोताहरु कोहलपुरस्थित चारतारे होटेल सेन्ट्रल प्लाजाको सभाहल आएका थिए।
साहित्यिक कार्यक्रममा देखिएको भिडले पछिल्ला दिनहरुमा पठन शैलीको विकास हुँदै गएको भन्दै सहभागीहरु उत्साहित थिए। घुम्ती महोत्सवमा कथा, उपन्याससँगै राजनीतिक विकृति र भ्रष्टाचारका विविध पक्षमा लेखक-स्रोताहरुका अन्तक्रिया चल्यो।
साहित्यक जमघटमा सबैभन्दा बढी चर्चा र अन्तर्क्रिया भने भ्रष्टाचारका बारेमा भयो। कान्तिपुर दैनिकका समाचार सम्पादक एवं 'रजगज' पुस्तकका लेखक हरिबहादुर थापा र नेपालगन्ज उपमहानगरपालिकाका मेयर डा धवल शमशेर राणाले भ्रष्टाचारका विभिन्न आयामबारे चर्चा गरे।
जताततै भ्रष्टाचार हुने गुनासो गर्दै स्रोताहरुले घुस नदिई काम नै नहुने अवस्था बनेको तितो यथार्थ पोखे।
मेयर राणाले भने भ्रष्ट र नालायक नेतालाई भोट दिन नछोडेसम्म भ्रष्टाचार नरोकिने बताए। 'नेताहरु नालायक देखिए भन्ने तर चुनावका बेला आफैले तिनै भ्रष्ट र असक्षमलाई भोट दिएर जिताउने?' उनले भने, 'जबसम्म यो क्रम रोकिँदैन तबसम्म न भ्रष्टाचार रोकिन्छ न विकासले नै गति लिन्छ।'
भ्रष्टाचार माथिबाटै रोकिनुपर्ने भन्दै उनले थपे, 'महत्वपूर्ण जिम्मेवारीमा पुगेका नेताहरु इमानदार हुने हो भने ९० प्रतिशतभन्दा बढी भ्रष्टाचार रोकिन्छ।'
मेयरको भनाइमा सहमति जनाउँ थापाले माथिल्लो तहको संरक्षणबिना तल्लो तहका कर्मचारी तथा नेताले भ्रष्टाचार गर्ने आँटै गर्न नसक्ने बताए। पछिल्ला दिनमा नीतिगत भ्रष्टाचार बढेको भन्दै उनले त्यसतर्फ सचेत हुन सबैलाई आग्रह गरे।
'फाइनप्रिन्ट फिभर' अन्तर्गत आयोजना गरिएको महोत्सवमा लेखिका शिवानीसिंह थारु, 'भुइयाँ'का लेखक तथा पत्रकार यज्ञश, 'माङ्गेना'का लेखक युग पाठकसँग पनि संवाद गरिएको थियो। त्यसैगरी कलाकार मदनकृष्ण श्रेष्ठ, आख्यानकार अमर न्यौपाने र महेशविक्रम शाहले आफ्ना कृतिहरुका विविध पक्षका बारेमा जानकारी गराउँदै स्रोतासँग अन्तर्क्रिया गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747928853.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
