काठमाडौं– संयुक्त अरब इमिरेट्स (युएई) स्थित ७ महिनादेखि अलपत्र परेका १७ नेपालीमध्ये १५ जना नेपालीको उद्धार गरी स्वदेश फर्काउने तयारी गरिएको छ।
उनीहरुको पिसीआरसमेत परीक्षण भइसकेको र केही दिनमै स्वदेश फर्काइने एनआरएनए युएईका उपाध्यक्ष पासाङ शेर्पाले बताए।
२ वर्षको करार अवधिका लागि युएई पुगेका उनीहरुलाई कोरोनाको कारण देखाउँदै कम्पनीले करार अवधि अगावै भिसा रद्ध गरी एक्जिट भिसा लगाइदिएको थियो। तर आफूसँग टिकट काट्ने पैसा नहुँदा उनीहरु स्वदेश फर्कन पाएका थिएनन्।
कम्पनीले कामबाट निकालेर खानसमेत नदिएपछि समस्यामा परेका उनीहरुलाई केही महिनादेखि एनआरएनए युएईले खाद्यान्न सहयोग गर्दै आएको थियो। एनआरएनए युएई तथा विभिन्न व्यक्ति र संघसंस्थाको पहलमा समस्यामा परेका १७ जनालाई स्वदेश फर्काउन गत १० अगस्टका लागि टिकट समेत काटिसकिएको थियो।
स्वदेश फर्कनका लागि विमानस्थलसम्म पुगेका उनीहरुलाई ओभरस्टेको जरिवाना तिर्नुपर्ने भन्दै विमानस्थलले रोकेको थियो। विमानस्थलबाट फर्किएपछि जरिवाना तिर्ने पैसा नहुँदा उनीहरु थप २ महिना अलपत्र परेका थिए। एनआरएनए एनसीसी युएई र युएईस्थित नेपाली दूतावासको पहलमा युएई सरकारले ओभरस्टेको जरिवाना माफ गरी आउटपास समेत प्राप्त भइसकेको एनआरएनए युएईका उपाध्यक्ष शेर्पाले जानकारी दिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1720358702.jpg)
-1751943971.png)
-1751879619.webp)
-1749826086.png)
