मुम्बइ– भारतीय चर्चिच गायिका नेहा कक्करको विवाह हुने हल्ला चलिरहेको छ। भारतीय सञ्चारमाध्यम आजतकका अनुसार २४ अक्टोबरमा एक पञ्जावी गायकसँग उनको विवाह हुने चर्चा चलेको हो। ती गायकको नाम हो रोहनप्रित सिंह।केही समयअघि एक म्युजिक भिडियोमा उनी नेहासँगै देखिएका थिए।
एक महिनाअघि नेहाले इन्स्टाग्राममा अहिलेसम्म भेटिएका मध्यकै क्युट केटा भन्दै उनीसँगको भिडियो सार्वजनि गरेकी थिइन्।
बलिउडमा खाश नाम नसुनिएका रोहनप्रित सिंह पञ्जावी गायक हुन्। उनी टिभी रियालिटी शोमा सहभागीका रुपमा देखिदै आएका छन्। सन् २०१८ मा राइजिङ स्टारमा फर्स्ट रनरअप बनेका थिए।
त्यसअघि सन् २००७ मा उन सारेगामापा लिटिल च्याम्पमा पनि फर्स्ट रनरअप बनेका थिए। सन् २०१७ मा उनको पहिलो गीत ब्याङ ग्याङ आएको थियो। त्यसपछि 'तकलिफ', 'पहली मुलाकात', 'हेलो हाइ' आएका थिए।
यसवर्ष उनी रियालिटी शो 'मुझसे सादी करोगे'मा देखिएका थिए। शोमा शहनाज गिललाई मनाउन पुगेका थिए। जबकी उक्त शो चलेन र बीचमै बन्द भयो।
भारतीय सञ्चारमाध्यम टाइम्स इन्डियाले सयो खबर सवैभन्दा पहिले सार्वजनिक गरेको थियो। तर रोहनप्रतिका म्यानेजर भने यसमा सत्यता नरहेको बताउँछन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।