काठमाडौं-सहकारी संस्था, सहकारी बैंक र सहकारी संघहरुलाई ब्याज पुँजीकरण नगर्न सहकारी विभागले परिपत्र गरेको छ।
सहकारी संघसंस्थाले आफ्ना सदस्यहरुलाई गरेको लगानीबाट आउने ब्याजलाई पुनः साँवा रकममा जोडि कारोबार गरेको भेटिए कारबाही गरिने विभागले जनाएको छ।
सहकारी ऐन दफा ५० को उपदफा ५ मा सहकारी संस्थाले प्रदान गरेको ऋणमा लाग्ने ब्याजलाई मुल ऋणमा पुँजीकरण गरी सोको आधारमा ब्याज लगाउन नपाईने व्यवस्था छ। ऐनको सोही व्यवस्थाअनुसार सहकारी संघसंस्थाले साँवा र ब्याज रकम फरक–फरक लिनेगरी कारोबार गर्नुपर्नेछ।
सहकारी संस्था, सहकारी संघ र सहकारी बैंकले आफूले प्रदान गरेको ऋणमा लागेको ब्याजलाई साँवा रकममा जोडी थप ब्याज लगाउने गरेको भेटिए कारबाही गर्नेसमेत विभागले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750327258.png)
-1749826086.png)
