काठमाडौं– कोलकाता नाइट राइडर्सले इन्डियन प्रिमियर लिगमा दोस्रो जित निकालेको छ। बुधबार राति भएको खेलमा कोलकाताले राजस्थानलाई ३७ रनले पराजित गरेको हो।
१७५ रनको चुनौती पछ्याउँदै ब्याटिङ गरेको राजस्थानले निर्धारित २० ओभरमा ९ विकेटको क्षतिमा १३७ रन मात्रै बनाउन सक्यो। राजस्थानका लागि टोम कुरनले अविजित ५४ जस बटलरले २१ र राहुल टेवाटियाले १४ रन बनाएपनि अन्य खेलाडीले दोहोरो अंक पनि बनाउन सकेनन्। राजस्थानलाई सस्तैमा समेट्न कोलकाताका शिभम मवी, कमलेस नगरकोटी, वरुण चक्रवर्तीले समान २–२ विकेट लिए।
दुबई अन्तर्राष्ट्रिय क्रिकेट मैदानमा टस हारेर ब्याटिङ थालेको कोलकाताले निर्धारित २० ओभरमा ६ विकेटको क्षतिमा १७४ रन बनाएको थियो। कोलकाताका लागि शुबमन गिलले ४७, इयोन मोर्गनले अविजित ३४, आन्द्रे रसेलले २४ र नितिस रानाले २२ रनको योगदान दिए। बलिङतर्फ राजस्थानका जोफ्रा आर्चरले २ विकेट लिए।
पहिलो खेलमा मुम्बई इन्डियन्ससँग ४९ रनले हारेको कोलकाताले त्यसपछिका दुई खेलमा लगातार जित निकोलेको हो। हैदराबादलाई कोलकाताले ७ विकेटले पराजित गरेको थियो। राजस्थानको भने पहिलो हार हो। यसअघिका खेलमा राजस्थानले चेन्नाई सुपर किंग्सलाई १६ र किंग्स इलाभेन पञ्जाबलाई ४ विकेटले पराजित गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786184812.png)
-1764146706.png)
-1786184812.png)
