६ महिनापछि लामो दूरीका यातायात चल्दै, आन्तरिक उडान असोज ५ देखि मात्र

अर्थ समाचार

नेपाल लाइभ बिहीबार, असोज १, २०७७ ०७:४२

काठमाडौं–६ महिनापछि आज असाेज १ देखि लामो दूरीका यातायात चल्ने भएका छन्।

सोमबारको मन्त्रिपरिषद् बैठकले ५० प्रतिशत बढी भाडा लिएर सिट क्षमताको आधामात्रै यात्रु बोक्ने गरी चल्न दिने निर्णय गरेसँगै आजदेखि लामो दूरीका यातायात चल्ने भएका हुन्।

सरकारको उक्त निर्णय र बुधबार यातायात व्यवसायी, मजदूर युनियन र भौतिक पूर्वाधार तथा यातायात मन्त्रालयबीच भएको छलफलपछि व्यवसायीहरु लामो दूरीका बस चलाउन तयार भएका हुन्।

मन्त्रालयले यातायात व्यवस्था विभागलाई स्वास्थ्य मापदण्ड र भाडा लगायतको विषयमा मापदण्ड बनाउन जिम्मा दिएको छ।

तर आन्तरिक उडान भने असोज ५ गतेबाट मात्र हुने भएको छ। तर ५० प्रतिशतमात्रै यात्रु बोक्न पाउने सरकारी निर्णयको व्यवसायीले विरोध गरेका छन्। उक्त व्यवस्थाबाट सरकार नहटे उडान नगर्ने व्यवसायीको अडान छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव