एजेन्सी- चिनियाँ राज्य परिषद्का सदस्य एवम् रक्षामन्त्री वै फङ र भारतीय रक्षामन्त्री राजनाथ सिंहको रूसको राजधानी मस्कोमा भेटवार्ता भएको छ।
चीन र भारतबीच सिमाना समस्याका कारण सम्बन्धमा तनाव देखिएको समय दुई देशका रक्षामन्त्रीले प्रत्यक्ष विचारहरूको आदानप्रदान गरेको बताइएको छ। वार्तामा दुई पक्षले राष्ट्राध्यक्ष सी चिनफिङ र प्रधानमन्त्री नरेन्द्र मोदीको महत्वपूर्ण सहमतिलाई व्यवहारमा उतारेर वार्ता तथा परामर्शद्वारा समस्याको समाधान गर्नुपर्नेमा जोड दिएको बताइएको छ।
भेतमा दुई देशका सन्धी तथा सम्झौताको पालना गर्दै अग्रक्षेत्रमा फौजको नियन्त्रणलाई सबल पारेर वर्तमान वास्तविक नियन्त्रण लाइन पार गरी नचिढ्याउने, परिस्थितिलाई झन् खराव पार्ने किसिमका गतिविधि नगर्ने र नकारात्मक सूचना नफैलाउने विषयमा छलफल भएको मन्त्री वैले बताए।
दुवै पक्षले दुई देश र क्षेत्रको शान्ति तथा स्थिरताका लागि साझा प्रयासमा वर्तमान घटनालाई कम गर्दै सिमानाको शान्ति तथा स्थिरताको पक्षमा कुरा राखेका बताइएको छ।
वर्तमान अवस्थामा सिमानाको शान्ति तथा स्थिरता द्विपक्षीय सम्बन्धका लागि ज्यादै महत्वपूर्ण रहेको भारतीय रक्षामन्त्री सिंहले जोड दिएका थिए। चीन र भारतले सैन्य तथा कूटनीतिलगायत वार्ता मञ्चको संचालनलाई कायम राखेर वार्ता तथा परामर्शद्वारा शान्तिपूर्ण रूपमा समस्याको समाधान गर्नुपर्ने उनले बताएको चिनियाँ स्रोतले उल्लेख गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768291693.png)
-1764146706.png)
