कालीमाटीका दुई तरकारी पसललाई कारबाही, खरिद-बिक्री बिल अनिवार्य गर्न लगाउन समितिलाई निर्देशन

अर्थ समाचार

नेपाल लाइभ आइतबार, साउन १८, २०७७ १९:०६

काठमाडौं- वाणिज्य, आपूर्ति तथा उपभोक्ता संरक्षण विभागले कालीमाटीका दुई तरकारी पसललाई कारबाही गरेको छ। तरकारी तथा फलफूलको कारोबार गर्दा खरिद–बिक्रीका बिलबिजक जारी नगरेको भन्दै विभागले पसल नंम्बर ६४५ र ५३४ लाई जनही ५ हजार जरिवानासहित कारबाही गरेको हो।

त्यस्तै विभागले कालीमाटी बजारभित्रका सबै पसललाई खरिद र बिक्री बिल राख्न अनिवार्य गर्न पनि कालीमाटी फलफूल तथा तरकारी बजार विकास समितिलाई निर्देशन दिएको सूचना अधिकारी रवीन्द्र आचार्यले जानकारी दिए। खरिद र बिक्री बिलविनै कारोबार गर्दा उपभोक्ता र किसान दुवै गठिने तर बिचौलियाले कानुनविपरीत नाफा कमाउने देखिएका कारण सबै कारोबारको बिलबिजक राख्न भनिएको हो।

यस अघि उद्योग, वाणिज्य तथा आपूर्ति मन्त्रालयका सहसचिव नवराज ढकाल तथा विभाग आफैले विभिन्न जिल्लामा पुगेर गरेको अध्ययनमा तरकारीमा ५ तहसम्म बिचौलिया लाग्ने गरेको देखिएको थियो। किसानले उत्पादन गरेको तरकारी विभिन्न तहमा बिचौलिया लागेर उपभोक्तासम्म पुग्ने गरेको छ।

उत्पादकबाट स्थानीय संकलनकर्ता, संकलनकर्ताबाट ढुवानीकर्ता, ढुवानीकर्ताबाट कालीमाटीका व्यापारी र त्यहाँबाट खुद्रा व्यापारीले बेचेपछि मात्रै उपभोक्तासम्म तरकारी पुग्छ। जसकारण किसानले आफ्नो उत्पादनको मुल्य पाउँदैनन् भने उपभोक्ताले चर्को मूल्यमा तरकारी किन्नु पर्छ। किसानबाट सिधै बजारमा आउने र बजारबाट उपभोक्ता कहाँ पुगे/नपुगेको हेर्न पनि खरिद बिक्री बिल अनिवार्य बनाउन भनिएको सूचना अधिकारी आचार्यले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

इन्डोनेसियामा म्याद गुज्रिएका विस्फोटक पदार्थ नष्ट गर्ने क्रममा १३ जनाको मृत्यु

पौडी खेल्ने क्रममा डुबेर मृत्यु

‘जलविद्युत्‌मार्फत क्षेत्रीय आर्थिक सहकार्य जरूरी’