एसिड आक्रमणका अभियुक्तहरु पक्राउपछि प्रहरी कार्यालयमा
काठमाडौं–काठमाडौंको सीतापाइलामा युवतीमाथि एसिड आक्रमण गर्ने व्यक्ति पक्राउ परेका छन्।
पक्राउ पर्नेमा रौतहट लक्ष्मीपुर घर भई हाल काठमाडौं महानगरपालिका डल्लु बस्ने मोहम्मद आलम र भारतीय नागरिक मुन्ना महम्मद छन्।
सिसिटीभीमा देखिएका एसिड आक्रमणकारी (बायाँ) र पीडित युवती (दायाँ) ।
उनीहरुलाई महानगरीय प्रहरी अपराध महाशाखा र महानगरीय प्रहरी परिसर काठमाडौंको संयुक्त टोलीले बिहीबार राति ११ बजे पक्राउ गरेको हो। युवतीले अर्कै केटा मन पराएको भन्दै उनीहरुले ट्वाइलेट सफा गर्ने एसिडले आक्रमण गरेको प्रहरीले जनाएको छ। किनमेलका लागि बाहिर निस्केका बेला युवतिमाथि एसिड प्रहार भएको हो।
ओखलढुंगा स्थायी ठेगाना भएकी २२ वर्षीया युवतीमाथि बिहीबार साँझ ७.५५बजे नागार्जुन नगरपालिका ४ सृजनशील टोलस्थित घरनजिकै एसिड प्रहार भएको थियो। युवतीको हाल कीर्तिपुर अस्पतालमा उपचार भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751886908.jpg)
-1752043710.jpg)
-1752245592.jpg)
-1749826086.png)
