काठमाडौँ- मोबाइल प्रविधि कम्पनी ओप्पोले विभिन्न विशेषतासहतिका विभिन्न मोडलका नयाँ चार मोडलका चार्जर सार्वजनिक गरेको छ। बुधबार कम्पनीले एक विज्ञप्ति जारी गर्दै १२५ वाट फ्ल्यास चार्ज, ६५ वाट एयरभोक वायरलेस फ्ल्यास चार्ज, अल्ट्रा-स्मल पोर्टेबल ५० वाट मिनी सुपरभोक चार्जरका साथै, ११० वाट मिनी फ्ल्यास चार्जर सार्वजनिक गरेको हो।
सार्वजनिक गरिएको १२५ वाट फ्ल्यास चार्जमा एन्क्रिप्सन अल्गोरिथम र नियन्त्रित तापमान नियन्त्रक रेगुलेटर्ससमेत भएको जानकारी ओप्पाले दिएको छ। यसले फ्ल्यास चार्जिङ उपकरणमा सुरक्षाका साथै सटिकता प्रदान गर्ने दाबी कम्पनीको छ। ६५ वाट एयरभोक वायरलेस फ्ल्यास चार्जले तीव्र गतिमा चार्जिङ सुविधा उपलब्ध गराउने बताइएको छ।
पहिलो पटक सार्वजनिक गरिएका ५० वाट मिनी सुपरभोक चार्जर र ११० वाट फ्ल्यास चार्जर ओपोको भोक फ्ल्यास चार्जका नवप्रवर्तन हुन्। हल्का, पातला तथा पोर्टेबल विशेषताका कारण यस प्रविधिलाई उच्च शक्तिसहितका चार्जरका क्षेत्रमा अग्रणीको पहिचान दिलाएको छ।
‘विश्व बजारमा फाइभजीको तीव्र रोलआट र अत्यधिक उर्जा खपत गर्ने गेमिङ तथा भिडियो एप्सले मोबाइल फोन तथा प्रयोगकर्ताको चार्जिङ अनुभवका क्षेत्रमा नयाँ चुनौती थपिएको छ। सन् २०१४ मा भोक फ्ल्याश चार्ज सार्वजनिक गरेदेखि नै ओपोले फास्ट चार्जिङ विकासका क्षेत्रमा आफ्नो अग्रता कायम राख्दै आएको छ,' ओपोका चिफ चार्जिङ टेक्नोलोजी साइन्टिस्ट, जेफ चाङ्गले भने, 'हाई पावर, ताररहित र अल्ट्रा(स्मल चार्जिङ प्रविधिका क्षेत्रमा पनि आफ्नो विशेषज्ञता र भूमिका लाई निरन्तर्ता दिँदै प्रयोगकर्तालाई सुरक्षित, सदृढ र सहज अल्ट्रा(फास्ट चार्जिङ अनुभव प्रदान गर्न हामी प्रतिबद्ध छौँ।'
१२५ वाट फ्ल्यास चार्ज
ओपोको १२५ वाट फ्ल्यास चार्ज प्रविधिले डाइरेक्ट चार्जिङ प्रविधिको प्रयोग गर्दै ४ हजार एमएएच क्षमताको ब्याट्रीलाई ५ मिनेटमै ४१ प्रतिशतसम्म र २० मिनेटमै पूर्णरूपमा चार्ज गर्ने क्षमता राख्छ ।
६५ वाट एयरभोक वायरलेस फ्ल्यास चार्ज
६५ वाट एयरभोक वायरलेस फ्लयास चार्जले ४ हजार एमएएच क्षमताको ब्याट्री सर्वाधिक तीव्र गतिमा मात्र ३० मिनेटको समयमा चार्ज गर्ने क्षमता राख्छ।
उच्च क्षमताका अल्ट्रा स्मल चार्जर सिरिज
ओपोले विश्वकै सानो तथा पातलो ५० वाट मिनी सुपरभोक चार्जर र डुअल लेभर आर्किटेक्चर फिचर्स सुसज्जित ११० वाट मिनी फ्ल्यास चार्जर पनि सार्वजनिक गरेको छ। यसबाट मोबाइल फोनका साथै ल्यापटप पनि चार्ज गर्न सकिने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
