काठमाडौं- बोर्डर आउट पोस्ट (बिओपी) थप गरी सीमा सुरक्षालाई थप मजबुत बनाइने भएको छ। सरकारले सार्वजनिक गरेको नीति तथा कार्यक्रममा सीमा सुरक्षालाई थप मजबुत बनाउनुपर्ने भएकाले त्यसका लागि जनशक्ति र बिओपी थपिने उल्लेख गरेको हो।
त्यस्तै राज्यविरुद्धको अपराधमा संलग्न हुने, राष्ट्रिय एकता एवं सामाजिक सद्भाव बिथोल्ने, संविधान तथा कानून विपरीत काम गर्ने जो कोहीलाई कानूनी दायरामा ल्याइने उल्लेख गरिएको छ।
अपराध अनुसन्धान र अभियोजनालाई वैधानिक बनाइने, अध्यागमन प्रणालीलाई अत्याधुनिक एवं प्रविधिमैत्री बनाइने र नेपाल प्रवेश गर्ने सबै विदेशी नागरिकहरुको अभिलेखलाई थप व्यवस्थित गरिने शुक्रबार सार्वजनिक भएको नीति तथा कार्यक्रममा उल्लेख छ।
कारागारको भौतिक सुधार गर्ने, कैदीबन्दीहरुको श्रम र सीपलाई उत्पादनमुलक कार्यमा उपयोग विषयमा पनि नीति तथा कार्यक्रममा समेटिएका छन्। विपद व्यवस्थापनको पूर्वाधार निर्माण गरी सबै तहमा आवश्यक भण्डारण गरिने, लामो समयदेखि पुनर्स्थापना हुन नसेकेका विपद् प्रभावितहरुलाई पुनर्स्थापना गर्ने काम तीव्र गतिमा बढाइने बताइएको छ। विपद् व्यवस्थापनका लागि जनशक्ति समेत बढाइने उल्लेख छ।
विगतको जनआन्दोलन र द्वन्द्वबाट घाइते तथा अंगभंग भएका व्यक्तिहरुको उपचारको व्यवस्था मिलाउनेदेखि र रोजगारीको अवसर समेत उपलब्ध गराउने बताइएको छ।
राष्ट्रिय प्रतिरक्षा विश्वविद्यालय सञ्चालनका लागि आवश्यक तयारी पूरा गर्ने, सैनिक सामग्री उत्पादनमा राष्ट्रिय क्षमता वृद्धि गरिनेसम्मका विषय नीति तथा कार्यक्रममा समेटिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767001543.png)
-1767000474.png)
-1766992509.png)
-1764146706.png)
-1766928868.png)
-1766648928.png)
