काठमाडौं- राष्ट्रपति विद्यादेवी भण्डारीले नीति तथा कार्यक्रम सम्बोधनमा 'मेरो सरकार' का ठाउँमा 'यस सरकार' प्रयोग गरेकी छन्। उनले कहीँ वर्तमान सरकार र सरकारमात्रै पनि प्रयोग गरेकी छिन्।
अघिल्लो वर्ष राष्ट्रपति भण्डारीले सम्बोधनमा 'मेरो सरकार' भनेपछि उनको विरोध भएको थियो। गणतन्त्र स्थापनापछि राष्ट्रप्रमुखले राजाले जस्तै 'मेरो सरकार' भनेर सम्बोधन गरेपछि टीकाटिप्पणी भएको थियो। चौतर्फी आलोचना भएको थियो।
सांसदहरुले नै नेपाल सरकारको (जनताको सरकार) नीति तथा कार्यक्रम सुन्न संसदमा उपस्थित भएको तर महामहिमज्यूको निजी सरकारको कार्यक्रमको पो घोषणा भएको भन्दै व्यंग्य गरेका थिए। कतिले नेपाल सरकारको नीति तथा कार्यक्रम सुन्न कहाँ, कहिले आउँ होला? भनेर ठट्टा गरेका थिए।
नेपाली जनताले बनाएको नेपाल सरकार नभई राष्ट्रपतिको सरकार भएको आफूले चाल नपाएको भन्दै व्यापक विरोध भएको थियो। श्री ५ को सरकारको समयमा राजाले ‘मेरो सरका´ भनेर सम्बोधन गर्ने गरेको तर त्यही शैलीमा सम्बोधन गर्ने संविधानमा व्यवस्था नभएको बताइएको थियो।
विरोधपछि राष्ट्रपतिले यस सरकार र सरकारजस्ता शब्द प्रयोग गरिरहेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
