काठमाडौं- इंग्लिस प्रिमियर लिगका खेलाडीहरुलाई अभ्यासको समय एकअर्कासँग दुरी बनाउन र हात नमिलाउन भनिएको छ। खेलाडी र प्रशिक्षकलाई गर्न नहुने कामबारे जानकारी दिँदै प्रिमियर लिग क्लबमा त्यसको निगरानी हुनेसमेत बताइएको छ।
कर्नरमा रहेको झण्डा, बल, अभ्यासमा प्रयोग हुने सबै सामान, गोलपोस्ट र मैदानसमेत सुरक्षित रुपमा प्रयोग गरिने बताइएको छ। प्रिमियर लिगमा आउँदो सोमबारदेखि अभ्यास गर्न सकिने गरी तयारी गरिएको छ। जसमा अभ्यासअघि र अभ्यासपछि पनि खेलाडीको स्वास्थ्य जाँच गरिने छ।
बुधबार प्रोफेसनल्स फुटबलरर्स एशोसियसन र लिग म्यानेजर्स एशोसियसनले स्वास्थ्यका लागि अपनाइने सुरक्षाका विषयमा कुराकानी गर्ने छन्। जसमा मेडिकल पोर्टोकलका विषयमा सम्बद्ध सबैको बैठक बिहीबार हुनेछ।
आउँदो सोमबार प्रिमियर लिग कहिले सुरु हुने भन्ने विषयमा छलफल गर्न बैठक हुनेछ। २५ मे सम्ममा युरोपियन फुटबलको प्रशासकीय निकाय युइएफएले युरोपभरका लिगलाई सुरु हुने मिति यकिन गर्न भनेको छ।
प्रिमियर लिगका खेल बन्द रंगशालामा गर्ने र टेलिभिजनमार्फत सित्तैमा प्रसारण गर्नेगरी कुराकानी अघि बढेको छ। खेलहरु होम एण्ड अवेका आधारमा नगरी तेस्रो विकल्पको कुनै मैदानमा गर्ने गरी छलफल भइरहेको छ।
कोरोना भाइरस (कोभिड १९) का सिर्जित अप्ठ्यारो यो परिस्थितिमा ‘तेस्रो मैदानको विकल्प’ प्रयोग गर्न नसकिए सिजन यत्तिकै सकाउनुपर्ने लिग म्यानेजर्स एशोसियसनका प्रमुख कार्यकारी रिचार्ड बेभनले बताएका छन्।
प्रिमियर लिगमा अब बाँकी रहेका ९२ खेल सकाउन ४० हजार खेलाडी, प्रशिक्षक र पदाधिकारीको कोरोना भाइरस परीक्षणसमेत गर्नुपर्ने बताइएको छ। बन्द रंगशालामा खेल गरिने भए पनि त्यसअघि खेलमा संलग्न हरेकको परीक्षण सकाउनुपर्ने भएको हो। प्रिमियर लिग मार्च १३ देखि रोकिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751963591.png)
-1751879619.webp)
-1749826086.png)
