कोरियाको जेलमा ८ नेपाली

प्रवास

नेपाल लाइभ आइतबार, वैशाख २१, २०७७ १७:३४

सिओल- दक्षिण कोरियामा अवैधानिक रुपमा बसेका कारण पक्राऊ परेका ८ नेपालीले जेल जीवन बिताइरहेका छन्। कोरोना प्रकोपका कारण नेपाल सरकारले अन्तर्राष्ट्रिय उडानमा प्रतिबन्ध लगाएका कारण यहाँको सरकारले नेपाल डिपोर्ट गर्न नपाउँदा उनिहरुको जेल बसाइ लम्बिएको एनआरएनए कोरियाका अध्यक्ष यज्ञराज सुवेदीले जानकारी दिए।

उनिहरुलाई पक्राउ गरे लगत्तै कोरोना प्रकोप सुरु भएका कारण डिपोर्ट गर्ने प्रक्रिया लम्बिएको यहाँको प्रहरीलाई उद्धृत गर्दै सुवेदीले बताए। कोरोना प्रकोप सुरु भएयता भने यहाँको सरकारले बिनाभिसा बसोबास गरिरहेकाहरुलाई गर्दै आएको धरपकड स्थगित गरेको जनाएको छ।

अन्य देशहरुमा त्यहाँका सरकारले विदेशी नागरिकलाई आफ्नो देश फर्किन आग्रह गरिएका समाचारहरु आइरहँदा कोरियाले भने कोरोना प्रकोपमा यहाँ रहेका विदेशीलाई कोरियामै बस्न आग्रह गर्दै निःशुल्क उपचार गर्दै आएको छ।

त्यस्तै किम्पोमा कार्यरत एकजना नेपालीले शनिबार आत्महत्या गरेको एनआरएनए कोरियाले जनाएको छ। उनको शव नेपाल पठाउने विषयमा सरकारसँग पहल सुरु भएको संस्थाले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रसङ्घीय मानवअधिकार परिषद्बाट इजरायल अलग

‘फेरि रेशम फिलिली’ टिजरमा अमेरिका मोहको कथा

अस्ट्रेलिया फर्किइन् सरस्वती