काठमाडाैं- बलिउडका अभिनेता इरफान खानको अन्त्येष्टि गरिएको छ। बुधबार दिउँसो मुम्बईको भरशोभा कब्रस्तानमा खानको शव गाडिएको हो।
परिवार, नजिकका आफन्त र साथीहरूकाे उपस्थितिमा उनको अन्त्येष्टि गरिएको हाे। भारतीय सञ्चार माध्यमका अनुसार उनको अन्तिम विदाईमा बीस जनालाई मात्रै प्रवेश गर्न दिइएको थियो।
मंगलबार बिहान मुम्बईको कोकिला वेन धिरूभाइ अम्बानी अस्पतालको आइसियूमा भर्ना भएका उनको बुधबार निधन भएको हो। सन् २०१८ मा उनलाई न्युरोएन्डोक्राइन ट्युमर भएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।