विवादबारे बोले वामदेव : मनमौजी टिकाटिप्पणी भयो

राजनीति

नेपाल लाइभ आइतबार, वैशाख १४, २०७७ १२:२६

काठमाडौं– नेपाल कम्युनिस्ट पार्टी (नेकपा)का उपाध्यक्ष वामदेव गौतमले शनिबार प्रधानमन्त्री केपी शर्मा ओलीसँग भएको विवादको विषयमा स्पष्टिकरण दिएका छन्। आइतबार प्रकाशित समाचारमा प्रधानमन्त्री र गौतमबीच विवाद भएको उल्लेख भएपछि उनले विज्ञप्तिमार्फत् प्रष्टिकरण दिएका हुन्।

प्रधानमन्त्रीसँग आफूले गरेको वार्तालाई मनमौजी किसिमले टिकाटिप्पणी भएको उनले प्रेस नोटमा उल्लेख गरेका छन्। ‘पार्टीभित्र र पार्टी र सरकारका बीच, अनि अन्य पार्टी र सरकारका बीच उत्पन्न समस्या समाधान कसरी गर्ने भन्ने सम्बन्धमा छलफल भएको थियो,’ उनले भेटमा उठेको विषयमा उल्लेख गरेका छन्। जारी अध्यादेशहरु खारेज गरिएपछि पनि अनेकौँ समस्या पार्टीभित्र उत्पन्न भएकाे बारेमा प्रधानमन्त्रीलाई जानकारी गराएको उनले प्रेस नोटमा उल्लेख गरेका छन्।

समस्या समाधान गर्न पार्टी कमिटीलाई बाइपास नगर्न सुझाव दिएको उनले जनाए। प्रधानमन्त्रीले प्रत्यक्ष छलफल गरेर र सबै किसिमका विचारहरुको सामना गरेर मात्र गर्न सकिने सुझाव दिँदै सचिवालय, स्थायी कमिटी र आवश्यक परे केन्द्रीय कमिटीको बैठक माग गरेको उनले बताए। सबैभन्दा पहिले सचिवालय बैठक बोलाउन र सबै कमरेडहरुको सुझावलाई सम्मान गर्दै साझा प्रयत्नबाट समस्या समाधान गर्न सुझाव दिएको गौतमले जानकारी गराए।

आफूले उठाएका विषयमा प्रधानमन्त्रीले धैर्यता पूर्वक सुनेको उनको भनाई छ। भेटमा प्रधानमन्त्रीले थोरै मात्रै बोलेको उनले जानकारी गराए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई निलम्बन नगर्न सभामुखसँग रास्वपा सांसदहरुको आग्रह

१२ सहसचिवको सरुवा, कसको कहाँ? (सूचीसहित)

त्रिभुवन विमानस्थलको सुधार कार्ययोजना १५ दिनभित्र पेश गर्न मन्त्री पाण्डेको निर्देशन