एजेन्सी–युरोपमा इटाली, फ्रान्स, स्पेन र जर्मनीपछि बढी प्रभावित बेलायतले संक्रमितको संख्यामा चीनलाई समेत पछाडि पारेको छ। जोन हप्किन्स युनिभर्सिटीको सोमबार बिहानसम्मको तथ्यांकअनुसार बेलायतमा ८५ हजार २ सय ८ जना संक्रमित भएका छन्। जबकि चीनमा ८३ हजार १ सय २३ संक्रमित भएका थिए। बेलायतमा मृत्यु हुनेको संख्या १० हजार ६ सय २९ भएको छ।
बेलायती स्वास्थ्य मन्त्रालयका अनुसार आइतबारसम्म ३ लाख ५० हजार ५ सय ७५ जनाको परीक्षण गरिएकोमा ८४ हजार २ सय ७९ जना पोजिटिभ पाइएका थिए।
यसैबीच, बेलायती प्रधानमन्त्री बोरिस जोन्सन अस्पतालबाट डिस्चार्ज भएका छन्। उनले ट्वीटरमा एक भिडियो पोस्ट गर्दै आफ्नो जीवन बचाएकोमा नेशनल हेल्थ सर्भिस (एनएचएस) लाई धन्यवाद दिएका छन्। उनले सामाजिक दूरी कायम गरेकोमा बेलायतीलाई धन्यवाद दिँदै यसले भाइरस फैलिनबाट रोक्न मद्दत गर्ने बताएका छन्।
युरोपका अन्य मुलुकहरु स्पेनमा १ लाख ६६ हजार ८३१ संक्रमित भएका छन् भने १७ हजार २ सय ९ जनाको मृत्यु भएको छ। यस्तै, इटालीमा १ लाख ५६ हजार ३ सय ६३ संक्रमित र १९ हजार ८ सय ९९ मृत्यु, फ्रान्समा १ लाख ३३ हजार ६ सय ७० संक्रमित तथा १४ हजार ४ सय १२ मृत्यु भएको छ भने जर्मनीमा १ लाख २७ हजार ८ सय ५४ जना संक्रमित भएका भने ३ हजार २२ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798392.jpg)
-1786602170.png)
-1786513116.png)
